Popular Bible Verses from John 1

Share

Gei hunu ginaadou gu hagadonu, gu benebene a Mee, gei Mee gu dugu ang gi ginaadou di tonu bolo gii hai nia dama ni God.

“Nnelekai” la gu i golo i taamada. “Nnelekai” la gu i baahi o God, gei “Nnelekai” la go God.

Di maalama e maahina i lodo di bouli, gei di bouli le e deemee di haga bouli di maalama.

“Nnelekai” la guu hai tangada, guu noho i tadau baahi, gidaadou gu gidee ono madamada e honu i tumaalia mo di tonu, di madamada ne kae go Mee, go Tama hua e dahi, mai baahi dono Damana.

God ne hai nia mee huogodoo mai i Mee, di mee e dahi ne hai laa daha mo Mee ai. “Nnelekai” lago taamada di mouli, gei di mouli deenei la gu haga maalama nia daangada.

Di laangi nomuli, gei John gaa mmada gi Jesus e hanimoi, geia ga helekai, “Deenei Tama siibi a God, dela e daa gi daha nia huaidu o digau henuailala.

“Nnelekai” gu i henuailala. God ne hai henuailala mai i Mee, gei digau henuailala e de iloo a Mee. Mee ne hanimoi gi dono henua donu, gei ana daangada donu digi benebene a Mee.

Di maalama deenei le e donu, dela e hanimoi gi henuailala e haga maalama nia daangada huogodoo.

God ne wanga gi Moses Nnaganoho, gei tumaalia mo di tonu ne lloomoi i baahi o Jesus Christ.