Popular Bible Verses from Luka 23

Share

Ndeen Yeesu vi'i : — Baaba am, ya'afana ɓe, gam ɓe anndaa ko ɓe mbaɗata. Soojeeji mbaɗi cuɓol gam ɓe cennda kolte ma'ako.

Yeesu vi'i mo : — Emi vi'i maa goonga, hannde a wondey e am nder Aljanna.

Ndeen o vi'i : — Yeesu, ta'a yeggitanam wakkaci nattuɗaa laamu maaɗa.

Sey Yeesu wulli e semmbee vi'i : — Baaba am, mi hokkii yonki am nder junngo maaɗa ! Nde o vi'i noon o maayi.

Nde ɓe njottii yaayre vi'eteende Gumbal Hoore, ɗoon ɓe ɓili mo dow gaafagal, kanko e halluɓe ɗiɗo ɓeen, go'oto e nyaamo ma'ako, go'oto e nano ma'ako.

Wakkaci ɗuum, ɗum caka nyalawma, ammaa niɓre suddi lesdi fuu, faa yahago njamndi tati, naange niɓɓi, wudere wonnde nder *Wuro Allah Seniingo seeki cende ɗiɗi.

Nde mawɗo soojeeji Rooma yi'i ko waɗi, o maalti Allah, o vi'i : — Goonga, o'o neɗɗo o aadaliijo !