Popular Bible Verses from Luka 7

Share

Gam ma'ajum emi vi'i maa : hakkeeji ma'ako ɗuuɗɗi nja'afaama, kanjum waɗi o holli yam yiɗde mawnde. Ammaa ja'afanaaɗo seɗɗa, yiɗde seɗɗa hollata. Sey Yeesu vi'i debbo oon : — Hakkeeji maaɗa nja'afaama.

Yeesu vi'i debbo oon : — A hisii gam a goonɗinii yam, yah jam.

O darii ɓaawo Yeesu faro kosɗe muuɗum, emo voya. O fuɗɗi soofnirgo kosɗe Yeesu e gonɗi ma'ako, o molmiri ɗe gaasa hoore ma'ako, o wuundii ɗe, o molmani ɗe nebbam luuɓoojam.

kanjum waɗi nyummi miin e hoore am mi fotaay wargo to maaɗa, ammaa volvu tan, maccuɗo am no yamɗitey. Miin e hoore am e woodi darvanooɓe yam, miin boo, e woodi ɓe ndarvaneymi. To mi vi'ii o'o : « Dillu », o dilley. To mi vi'ii on ɗaa'e : « War », o warey. To mi vi'ii maccuɗo am : « Waɗ ɗu'um », o waɗey ɗum. Nde Yeesu nani bolle ɗeen, ɗum haaynii mo. O yeeƴii jama'aare tokkunde mo, o vi'i : — Emi vi'a on : koo nder *Isiraa'iila mi meeɗaay yi'igo goonɗinki iri ki o'o neɗɗo.

E wakkaci ɗuum Yeesu yamɗitinii yimɓe ɗuuɗɓe woonɓe nyawuuji feere-feere, o vurtinanii ɓe ginnaaji kalluɗi, o vumtinii vumɓe ɗuuɗɓe. O vi'i lilaaɓe Yahayya : — Njahee ngeccee Yahayya ko ngiiɗon e ko nanɗon : vumɓe e mbumta, voosɓe e njaaɓa, ɓe kuturta e njamɗitinee, fahaɓe e nana, maayɓe e ummitinee, sooyɓe e nga'ajinee *Habaru Belɗum.