Popular Bible Verses from Markus 14

Share

O yahi yeeso seɗɗa, o diccii o waɗi do'aare, o vi'i : — Baaba am, to ɗum baɗotooɗum, sottinanam wakkaci torraa ngonka yeeso am. Koo ɗume no baɗotooɗum to maaɗa. To a jaɓii, sottinanam jardugel ka'a torraa. E noon fuu, naa ko ngiɗmi waɗete, ammaa ko ngiɗɗaa.

Ummee mbaɗee do'aare, to' on ɗaano, gam to' on njan nder jarrabeeki. Ɓernde e yiɗi ɗowtaago, ammaa ɓanndu tampi.

Emi vi'a on goonga : to ɗum wa'ajini *Habaru Belɗum nder duuniyaaru fuu, ɗum hokkey habaru ko o'o debbo waɗi, gam hiimtaago mo.

O vi'i ɓe : — Mettam ɓeram ɗuuɗanii yam, faa e yiɗi wargo yam. Njooɗee ɗo'o, to' on ɗaano.

Eɓe nder nyaamgo, sey Yeesu hooƴi buroodi yetti Allah, o senndi ndi, o hokki *almaajiri'en, o vi'i : — Njaɓee. Ɗu'um ɗum ɓanndu am.

Ndeen o hooƴi jardugel *innaboojam o yetti Allah o hokki ɓe ɗam, ɓe fuu ɓe njari ɗam. O vi'i ɓe : — Ɗa'am woni ƴiiƴam am tabbitineyɗam *alkawal Allah, ndufeteeɗam gam yimɓe ɗuuɗɓe.

Yeesu vi'i *almaajiri'en muuɗum : — On fuu on nyaarey kibinon yam, noon no ɗum vinndiraa : « Mi warey gaynaako, baali ɗiin cankitoo. »

Ummee ndillen ! Raa nyaameyɗo amaana am ɗoon wara.

Yeesu vi'i mo : — Emi vi'i maa goonga : hannde nder nde'e jemmaare, ko hokka njakaraari kurkita nde ɗiɗi, a vi'ey a anndaa yam nde tati.