Popular Bible Verses from Marku 6

Share

Penepo pakhagumanika anthu azinji. Awa akhafika awa akhaenda, iwo mbakhasowa na n'dzidzi ene wa kudya. Na tenepo, Iye aapanga kuti: “Tendeni pa khundu, pathu tekha, tikhapume pang'ono.”

Mbwenye Yezu aapanga kuti: “Mporofeta asalemebza mbuto zonsene. Mbwenye nkhabe kulemebza ku dziko kwace, pakati pa abale ace na pa nyumba pace.”

Pakuchita m'bote, Yezu aona mwinji wa anthu, mbaabvera ntsisi, thangwi akhakhala ninga mabira akusoweka nkumbidzi. Na tenepo, atoma kuapfundzisa pinthu pizinji.

Na tenepo, Yezu akhakhonda kucita pirengo ku Nazareti. Mbwenye akhatawira kuwangisa atenda anango na kuaikha manja basi. Yezu adzumatirwa na iwo na thangwi ya kukhonda kutawira kwawo. Na tenepo, anyerezera pyace kwenda kapfundzisa anthu anango a n'khundu.

Pakumala, Yezu akwata mikate mixanu na nyama ziwiri za m'madzi, alang'ana kudzulu mbapereka takhuta kuna Mulungu mbaimenya-menya. Buluka penepo, aipasa anyakupfundza ace toera iwo aigawize mbumba. Pontho akwata nyama ziwiri za m'madzi mbazigawirambo anthu onsene. Onsene adya mbakhuta. Pakumala, anyakupfundza alokotera mapindi adasala a mikate na a nyama za m'madzi, mbadzaza na iwo pitundu khumi na piwiri.