Popular Bible Verses from Joni 15

Share

Nemoya waini nala monawa minonako, edimoya akawaneya minae. Wewena mako nisiki nemotoka omitaboya edimotoka asako woko omekoyoko ihilawa lalo jideko minakilae. Edimoya ma nemoki nisiki omiki minamitaboya ma ihilawa lalo jamekolaiye.

Edimosiya nemotoka nisiki omiki minataboya nemokahoya asako edimotoka woko omeko minakoloe. Akawane makolimo monawaneloya omeko minametiboya eimola ihilawa mako jametibo ne. Sa-onenako, edimosiya nisiki nemotoka omamitaboya, asaoko edimotokaya ma ihilawa jametibo ne.

Edimoya nemoki omiki minataboya ito nemo ganeya dukau netiboya sainahenamuya wako litabo nesaya aha soto pekolaiye.

Edimoya nemoda maya nilimi eto amae. Neimonekaho dilipe eto okoyoko wiki saina ihilawa maya li soto molikadeko, woko elewole oko minowa minowa oko netiye loko lo noliboe. Sa-okadeko, nemo nuline maya li-miniki yamidana mamidana nesamu wako litaboya ahonekaho aha libekolaiye.

Wewena mako iwelamuye loko minoko leko noibo nesala hulatiboya, ukala bekaka noibo nesamidana monawa maya soto pekolaiye. Aitomidana uka mekakalimoya sako uka mekakamidana asetamekolaiye.

Ito nemotokatiya akawa makolimoya ihilawa jametiboya ihilawa wavu-leko jitiye loko hukoko le hulatiye. Ito ihilawa jekaiyoko mudaikoko akawa lahelamibolawa maya hukoko le hulokaka noiye.

Sa-loko lo nolibetoe. Nukane libekaka nobo nesa liki emo uka mideko emo uka mideko iki mini-liki wiki minalo.

Edimotokaya ihilawa muki jideko wehe liki nemo wewenane yuha lolo iki minadekoma, ahoneda onowelaki luhuwala maya soto pekolaiye.

Jisesimamo kolo meko nemoya waini nala monawa laloya minoe loko liye. Ito ahoneya waini yowanu ahola maya ne.

Wewena mako nisiki nemotoka omamitaboya, alala miyoko hukiki li hulikaka niabo nesa leko alala mekolainako, hukoko le hulakoloe. Akawahenaya alala mekaiyoko hukiki joku jikaka niae. Nemotoka nisiki omamabo wewenasidaya aya nesaya dupalo soto pekolaiye.

Nemoya muluneuya aila uluma silekaka noibo nesaya edimotoka minadeko, mulutipou aila uluma silitibolimoya hutili oko lomala jeko minadeyo loko ga maya lo libeko suwoe.

Nemoya ahoneda epalauti ga maya emesalo moloko ukala nemekaka noibomidana apilaloka minobo ne. Sa-okaka nobo nenako, edimokiya asaiki nepauti ga maya eli likiki nisiki nukane libekaka nobomidana apineloka maya minatayo.

Sa-onenako, olotiya emo uka mideko emo uka mideko iki minatae loko nololibetoe.

Edimoya monoka elamabo wewenasikuti minatidanako, sa-iki nesa lolo ilibitamiki duka moli libetine. Nemoya luwawanipoutiya dilipe lena okoyoko, iki moliki abo nesa maya alo hulikabo maya ne. Sa-ikabo maya nenako, yamuya ulanipolo we lolo nilibitikaka niae.