Popular Bible Verses from Matiyu 16

Share

Loko lokoko ya yupekaya Jisesikako maya amida meko sa-loko lo limiye: Wewena malokasiya nemo nemesalo molatune likima dupamo elitibo nesamu eli hulikiki wiki miluma nesa li ohibitiki kohaidi helitabomuya eliki oli bamideko eli hulikiki nemesalo moliki nisitae.

Sa-lokaniyoko, yamuya lo emekoloyo, elo: Emo ulikaya Pitaya minane. Ito ulikamidana monawaya lemo ateutiya asowalaki ehada. Ito nemokahoya aya asowalaki ehadamidana mupilaloya monoka elitabo wewenasidaya dilipe nupa okoko hulobetokoyoko, joku hilitabomidana elewoleyalimoya ma dilipe yeimauka molamekolaiye.

Ito nemokahoya okulumamidana oholau wikili ateda siyitabomidana kiwa maya emekoloe. Ito emokahoya mikauka saina makomu lo hoipa etadawoya okulumaukaya asako lo hoipa oetakolaiye. Ito ma mikauka nesamu lo hoipa ametadawoya asako Omailimo lo hoipa oetamekolaiye.

Wewena malokaya dukamidana eli amanapa ikiki minatabo wewenaya dukaya woko opa napa etibo ne. Ito maloka wewenasiya nemokumuye liki duka wina itaboya elewole depa mutiwa litabo ne.

Wewena malokasiya ma mika mupilalo nebo uvaminaya li suwikiki wiki edimonipo dukanipo woko tolowa etiboya maya mikauka uvaminalimo nena nena oko dilipe lalo etibo ne. Ito dukamidana weunaya nena nenakima meina hikiki aku litabo ne. Sakoya minamiye.

Lo lokuniyoko, aku lemoda loka oletoko edimosiya nemodamuya ekahima ne liki data elikaka niae loko loka oletaiye. Loko loka oletokaiyoko, Saimoni Pitamamo emoya lahelamibo nesauti lilimitiye loko lo mololetaibo we Omaimidana ipala maya minane, loko liye.

Loko liyoko, Jisesimamo Jonida ipala Saimoniyo, sa-loko ladawoya wewenasi ma li imikayoko lamane, ahone okulumau welimoya ata emekaiyoko lokaninako, sa-loko ladawomuya Omaimo maku imibo we minatane, loko lo miye.