Popular Bible Verses from John 1

Share

Tau͡gaam ciuniurten̄i, piyunarivkarai Agayutmun yuksagutesqelluki; tua-i imkut at'minun ukvelriit.

Nutem etellrani Qaneryaraq uitallruuq, Qaneryaraq-llu Agayutmi uitallruuq, Qaneryaraq-llu Agayutnguluni.

Tanqik tanqiulartuq tan'germi, tan'gerem-llu cirlakenritaa.

Qaneryaraq-llu kemgurtellruuq nayullruluta-llu, naklegtaqapiggluni piciuqapiggluni-llu; wangkuta-llu ucurnarqucia tangrrarput, wani-wa Aatam kiingan Qetunraan ucurnarqucia.

Elliikun piurcimalria tamalkuan piurtellruuq; elliingunrilngurkun-llu ca man'a piurtellrunrituq. Unguva elliinetellruuq, unguva-llu tamana tanqiuluni yug'ni.

Unuaquan Jesus-aaq tangrraa tungminun tailria, qanerluni-llu, “Tangerrluku, Agayutem Qusngiyagaa, uum nunamiut assiilnguit au͡g'ararkaugai!

Nunametellruyaaquq, nuna-llu elliikun piurtellruluni, tau͡gaam nunam elitaqenritaa. Nakmiin ilaminun tekicaaquq, tau͡gaam nakmiin yuin ciuniunritaat.

Tuani imna Tanqipiaq, tua-i yuum tamarmi tanqiutii, nunamun tut'eqatarluni.

Tua-i alerquutet Moses-aakun cikiutekumaut, tau͡gaam naklekun piciuneq-llu Jesus-aakun Christ-akun piuq.