Popular Bible Verses from John 15

Share

Wiinga napaugua, elpeci-llu avayauguci. Wangnetauralria, wiinga-llu elliinellua, amllernek naugiciquq. Wani-wa wii ilakevkenii caperrsukapigtuci.

Wangnetaurci, wiinga-llu elpecen̄etaurlua. Tuarpiaq avayaq naugisciigaluciatun ellminek, napametenrilkuni, tuaten-llu cali elpeci pisciigatuci, wangnetauranrilkuvci.

Wangnetaurquvci, qaneryaranka-llu umyuarpecen̄etaurqata, tua-i camek kaigakuvci, tuaten pimaarkauguci.

Elpeci nakmikellrunritarpecia, tau͡gaam wiinga nakmikellruamci ellimerluci-llu naugitullerkarpecen̄ek atsanek, atsaci-llu uitarrlainaasqelluki, Aatam cikirarkaungaci camek atemkun kaigavikekuvcen̄i.

Wani-wa kenka tamiini angenrulria, yuum unguvani pegeskaku yugnikekni pitekluku.

Avayanka-llu nauginrilnguut tamalkuita au͡g'alarai, avayat-llu tamalkuita naugitulit carrilarai amllernek naugisqelluki.

“Maa-i-llu alerquuteka, kenkucesqelluci elpecen̄ek kenkillrucimtun.

Amllermek naugikuvci Ataka ucurnariciquq, wiinga-llu elitnauraqciqamci.

“Wii, wani-wa napaugua piciulua, Ataka-llu napaliurten͞guuq.

Wangnetauranrilnguq avayatun egcimaarkauguq nalaluni-llu, tuaten-llu ayuqelriit quyurtelarait, kenermun-llu muriulluki ekualuki-llu.

Makunek qallautamci, angniqa elpecen̄i uitasqelluku, angnirci-llu qaqimarisqelluku.

Alerquutenka atuquvciki, kenkemnetaurciquci, tuacetun wiinga Atama alerquutai atullrucimtun kenkiinetaurlua-llu.

Makunek alerquramci, atunem kenkucesqelluci.

Ukvenrilnguut ilakekunegceci, keneksaraiceci pimegcetun, tau͡gaam ilakenritaiceci, wiinga tau͡gaam cucukellruamci, taumek ukvenrilnguut uumikekaiceci.