Popular Bible Verses from John 6

Share

Jesus-aam qanrutai, “Wiinga wani-wa unguvatalek kelipaq. Wangnun tailria kaigngaituq, cali-llu wangnun ukvelria meqsugngaunani watqapik.

Anerneruuq unguvamek cikiqengelria, kemek catnguksaituq. Elpecen̄un qanrutkellrenka anerneruut unguvauluteng-llu.

Taumek neqkamun piunrirarkamun cumigtenrici, tau͡gaam cumiguciu neqkaq unguvamun nangyuilngurmun aturarkaulria, tamatumek Yuum Qetunraan cikirciqaaci; tua-i ellii Aatam, wani-wa Agayutem nallunailkucillrua.”

Wani-wa-llu Atama pisqutii, Qetunramek tangvagluteng ukvelriit unguvamek nangyuilngurmek pingesqelluki, wiinga-llu maktarkauluki ernermi nangneqlirmi.”

Jesus-aam kiugai, “Waniwauguq Agayutem caliara, ayagcetellranun ukvequvci.”

Tamarmeng Atama wangnun cikiutekellrin ullagciqaatnga; wangnun-llu ullautellria ayaksugngaitaqa watqapik.

Simon-aam Peter-aam kiugaa, “Ataneq, kitumun ayagciqseta? Elpet tau͡gaam qaneryarangqertuten unguvamek nangyuilngurmek iqulegnek.

Wiinga wani-wa kelipaq unguvalria qilagmek tekitelleq, kina imna kelipamek uumek nerkuni, unguvaarkauguq nangyuilngurmek, tua-i wani-wa kelipaq cikiutekaqa, kemkaqa ellamiut unguvakiutekaat.”

Aatam ayagcestem̄a tau͡gaam unayaqek'ngaan ullagarkaugaanga, wiinga-llu maktarkauluku ernermi nangneqlirmi.

Tua-i kelipaq Agayutem pia qilagmek pilartuq, nunamiut unguvakiutiit.”

Wiinga wani-wa unguvatalek kelipaq.

Tua-i-llu Jesus-aam kelipat neqek-llu tegui, quyatmek-llu piicaumariami, aqumgalrianun aruqutkai piyugtaciicetun. Kainriata-llu, elitnaurani qanrutai, “Kaimllerit quyurciki, carraungraan cagmanritnaurtuq.”

Cavluteng ayangnaqlermeggni mile-at pingayun cipluki yaaqsigtariqerluteng, Jesus-aaq tangrraat mer'em qaingakun piyuallrani, angyaq-llu mallgiluku. Tua-i taukut alingut. Tau͡gaam elliin qanrutai, “Wanguunga, alingenrici.”