Popular Bible Verses from Luke 14

Share

“Yuum ullakunia tau͡gaam atani aanani-llu, nuliani-llu irniani-llu, anelgutni-llu arcaqakekuniki, unguvani-llu cali tuaten, tauna wiinga elitnauraqngaitaqa.

Kia-llu kelistani qugluku maligtenrilkunia, elitnauraqngaitaqa.

Tua-i kina imna ellminek pivakellria caunrilkumaarkauguq, nutem-llu ellmikutuulria pivakumaarkauluni.”

Taumek, kia imum nalirpeci pini tamalkuita pegcuumiilkaki elitnauraqesciigataqa.

Tua-i ilasi, eneliyukuni qertulriamek, ciumek-qaa akingqerrarkaucia cuqteksaitelaraa, akikairutnayukluni taqvailgan? Tua-i inguqirirraarluni, tau͡gaam taqesciiganaku, tangvagtain temciarautekciqaat, qanraqluteng, ‘Una yuk eneliyaaquq, tau͡gaam taqesciigataa.’

Tau͡gaam elpet nerevkarikuvet, caitulriit, mangamculriit, tussitellriit, cikmiumalriit-llu kelegki. Nutaan atawaqercecimaciquten, tua-i taukut akinaurngailatgen. Elpet-llu nunuliumaciquten ellualriit makyutiitni.”

“Taryuq assirtuq, tau͡gaam taryurninairuskan, naken taryurninariciqa? Atuqaunrituq nunamun-llu nauturnircautnguvkenani, ciqicimaarkauguq tau͡gaam. Kina imna niitetuli, niilli!”