Popular Bible Verses from O Kandɔɔ 37

Share

Paale pilɛ, mí Yosɛf sɔl lɔan, mó cɔm bɛndaa ndɔa man. Mó nɛinun nda vɛlɛ hiovɔɔ maa paandu.

Mí Israɛl kaola Yosɛf hiovɔɔ poaa ndɔa tɔ̀a kpow. Kani o yuuvɛi nin o velu ndu ni. Mó sondul ndu doma keese bɛndu kɛndɛ-kɛndɔɔ a pongan.

Mɛɛ bɛndaa ndɔa ce maa ndu fuɲa nda hiow kaola a nda, má cua nɛyɔnndo a ndu. Ndáà dimul lɛ ndu isɔɔ a kɔlɲulu le.

Paale pum, mó sɔl vɛlɛ lɔma celen, mó cɔm bɛndaa ndɔa man, mó dimul nda aa: «Mí la ce mɛɛ ya sɔl vɛlɛ lɔma celen yɛ. Mí ca paalen, paangei o loeon tɔ́ a ipilɛ tundɔnndo ya o labɛngunin.»

Bɛndaa ndɔa va ndu paŋalaa taw, kɛ mí fuɲa ndɔ mandan sɔɛi ken o kɔl.

Kani nuaa ndóò dimul nda ni aa: «La yaŋ-ndɔ nilan mì cɔm niaa lɔma ya sɔl-lan. Naa niaa kpow, n va maalon yiiyo tumbulan o panga. Mí tumbu nuu can ɲaali mó sim, mí tumbula niaalan la balu tumbu ni kon, mí la tundun ndu o hɔl.»

N kɔ delnun ndu coo mì n diinun ndu, mì n viownun ndu o soon yingilaa nin, mí n kɔ dimin aa visi biyaa cii ndu biyɔɔ. O kon mì n ce ɲɛ fulanin o lɔma sɔlaama ndɔan nin-ndo.»

Tuma yulaa fula kan Madian-nda va hiovɔɔ-o, má nan Yosɛf, má soli ndu o soondo nin, má pisi ndu cuaa-imamaa ismaɛl-laa kan o ba le volin latámán bidiin. Mí yulaa kan kɔannun a ndu o lɛŋnde Esipte len nin.

Má dimulan vellaa-velle aa: «Má cè vana sɔlaa malɔɔ ho hunɔɔ!

O lo levil, mí bɛndaa ndɔa ca ndu. Tuma pá mó tiiya nda ikɛi, má yii ndu dúmbú le ndu diyɔɔ.

Mó cɔɔlu nda dimul aa: «La sóli ndu koovan te. La kɔ viow ndu o soon yingilaa co hoo o lɛŋnde veselɛilen nin-ndo nin. Kɛ la pilan ndu le ndu diyɔɔ le.» Rubɛn ndóò yeema le ndu ciindiaa mì ndóò mingi ndu o fuɲa nda lo.