Popular Bible Verses from O Kandɔɔ 50

Share

Niaa, niáà tuu le ya dɛnɛ vɔɔndo tosallo. Kɛ o dɛnɛ niaa tosa-o nin, mí Hala ndu tuu le ya dɛnɛ kɛndɔɔ mingullo le ɲɛ co hoo hau tosanndo-o peeloo, haliko mi yoomu vanaa bɔɔ-bɔɔ sɔla baŋaa.

Kɛ mí Yosɛf dimul nda aa: «Siòòŋii bii niaa le. Mò va maa o fonda Hala-o ya co ni?

Lelan, siòòŋii bii niaa le, i co bala havɛila niaalan a bala havɛila cuavaa niaa toosiaa kpede.» Lende o kɛsi nda kɔltan ni, mó soaa o nda lo a canyɛi.

naa n ɲuna nɔm mì nɔm mal naa haki le kɔlvesɛi naa n tosal nɔm-ndo a haki naa n cua a nɔm-ndo. Lelan, n tɛɛlun nɔm yandi, mal niko vanaa baalaa Hala fuɲa nɔm-nda haki, naa pɛɛn.» Yosɛf tueyɔɔ sɔɛi ken, mó koŋul.

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

O kon, mí Yosɛf mɛnalan Israɛlla, mó dimul nda aa: «Te Hala sɔɔnguu niaa pɛ ikɛi, mò soli niaa nanu, la va pɛ kɔlan, la kɔɛ a paala nilan o ba.»

Yosɛf ndóò nɔ vɔsilan kɛmɛ a tɔ́, mó vu. Má veesiaa ndu, má kɛsi dialun ndɔn o kesu nda toosiaa a powtan-ndo nin, o lɛŋnde Esipte len nin.