Popular Bible Verses from Luke 5

Share

Mɛɛ o cii sɔɛi, mó dimul Simɔn aa: «Kɔ a dɛ̀ndɔ̀ɔ́ nɛɛ mɛnndan ma yingila-a, mì la vuu yalala niaalan le yɔɔyaa.»

Mí Simɔn mulul ndu aa: «Vana bɛndoo, ciɛi icɔl pii sangaa naa n lɔl ni, n cue ɲɛ-ɲɛ le. Kɛ le mɛɛ n dimi yɛ, i co yalalan vuu.» O kon, má vuu yalalan, má cua suwva taw-taw, mí yalala ndala lan la kandu sɛɛsiaa.

Kɛ Yeesu va kɔlan o fondala yililan lapum nɛɛ o va Hala piɛiyo-a.

O co vanaa sandaa le ya hin veelu le, kɛ vanaa lahakia, haliko ma mal yɔŋ vɔɔndo, ma mangalan.»

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Mí Yeesu cua sɔɛi, mó mulul nda aa: «O co vanaa co kɛndia-a le nɔ makoo a dɔtɔlɔnɔɔ le, kɛ vanaa lanàá.

O kon, má heelu dɛ̀ndɛ̀la ndalan o kɔngɔ, má mal dɛnndan kpow, má del Yeesu kɔɔli.

Telen Yeesu va o kobio pum nin-ndo, mí langbanɔɔ pum hun a nàà siaŋaa ndu kɔɔlen kpow. Mɛɛ o ce Yeesu, mó del ndu o labɛngunin, mó ɲɔɔlu ndu aa: «Maalii, taa cɛl pɛ, a nɔla mà singi ya.» Mí Yeesu siɛndi baa, mó pilan ndu, mó dimi aa: «I cɛl, siongu.» Fɔ́ɔ́fɔ̀, mí naa kon mal ndu.

Kɛ mí tɔ́ɔ́ ndɔɔ cɔɔlu sɛŋin, mí vannda cuungian sɛ́lɔ́ɔ́ le ndu nilan yaŋɔɔ a le nda singio a naala ndalan.