Popular Bible Verses from Aposel 2

Share

E Pita i keles la mang, “Mulo rop taktakai mulor lingir a nuknukim mulo, pa dir baptais mulo ana risana e Iesu Karisito, sur dir kepsen anumulo na toltol laulaula, pa mulor kibas a Talngan Tabu.

Pa la saran tar la ana asasaer anuna aposella, ana kes taum ana marmaris, pa ana utna na hangan taum, pa ana nunung.

Pa la rop la bukus taum ana Talngan Tabu, pa la turpas a warwara ana urmatana warwarala, ning a Talngan Tabu i sarani tanla.

Pa a rurung misaot ana langit ning i arlar ana rurung ona tnan wuwu, i hanot kulkulan tetek la, pa i abukus pas a rumai ning la kes ono. Pa la oroi a ututnala la arlar ana irnga na iahla, la han sarara pa la kes saot onla taktakai. Pa la rop la bukus taum ana Talngan Tabu, pa la turpas a warwara ana urmatana warwarala, ning a Talngan Tabu i sarani tanla.

La sira kes taum ting na rumai a artabar ana pukakiarla rop. La hangan taum ting na nunla na rumaila ana gasgas taum ana momolna ting na balanla. Pa la rakan aleklek pas e God, pa a taraila rop la gas onla. Pa ana pukakiarla rop a Leklek i alaun a galis a tarai, pa di was taman la ana tena tortorotla.

‘E God i atongi mange: Ana ararop a pukakiarla ar saran purum a Inguk tetek a taraila rop. A natnatumulola, a taraila pa gurarala, lar warwara na propet. Anumulo na barmanla lar oroi a tatataila, pa anumulo na bun lar resnan a reresala.

Pa a tena tortorotla rop la kes taum, pa a ututnala rop ning anunla taktakai, anunla rop ka. La siuran anunla na puka kabalapiula, taum ana nunla na ututnala, pa a mani taguni, la salari tetek esining i kapan.

Pa la rop ning la nunung tetek a Leklek, ir alaun la.’

A kamis ir mormorom, pa a kalang ir kubar, lar a suluk, pa lamur a pukakiar ana Leklek ir hanot, a tnan pukakiar ning, a pukakiar a matatar.