Popular Bible Verses from Jon 17

Share

Anum a warwara i momol. Ur atotoh la ana num a momolna sur la anumi.

A lalaun tikin i manglarne: A tarai lar tasman u, ning u ka e God momol, pa lar tasman otleng e Iesu Karisito, ning u sune i ute.

“Bel a nunung ka sur la. A nunung otleng sur la ning lamur lar tortorot hok, anasa ana warwara talapor anuna tena tortorotla. Tata, a nunung mang la rop ning la tortorot hok, lar takai ka, larning u kane hok pa iau kaning hom. I wakak sur la kane on dau, sur a taraila te na rakrakan hanua lar tortorot mang u sune iau.

Bel a nunung u sur ur kepsen la kusun a rakrakan hanua. Ika a nunung u sur ur tai alar la kusun a Tena Laulau.

A saran tar a matatar tanla, a matatar ning u saran tari tak, sur lar takai ka, larning dau takai ka. Iau kaning onla, pa u kane hok, sur lar takai kama, sur a taraila te na rakrakan hanua lar tasmani mang u sune iau ute, pa u mang sur la larning u mang sur iau.