Popular Bible Verses from San Juan 6

Share

Leꞌa Jesús cha ndab: —Leꞌa naꞌ nak pan nsaꞌa gealnaban. Leꞌa tal ton giꞌid wats naꞌ leꞌa xa wa naꞌantapa ganna. No tal ton gungea ladna naꞌ, leꞌa xa wa naꞌantapa gak ladna.

Leꞌa Espíritu leꞌa nsaꞌa gealnaban kub, leꞌa leꞌatsa be men lá gun gan gap gealnaban wa. Leꞌa diꞌizh ndáp naꞌ wa diꞌizh ten Espíritu ten Dios xa nsaꞌa gealnaban ndoꞌ be men.

Lá ukwaꞌan bega ta gaw bega be ta nitndoꞌ. Ndi bkwaꞌan bega ta naꞌanpa initndoꞌ, ta usaꞌa gealnaban nunk lá idub. Leꞌa naꞌ, Xa Myak Men Ndoꞌ Gizhliyo, usa ta wa ndoꞌ bega, lak msaꞌa Tad Dios gun naꞌ.

Leꞌa Dios nlad leꞌa itea bexa na ngondoꞌ leꞌa naꞌ nak Xin Dios no ndangea ladna bexa naꞌ, leꞌa bexa wa cha gap gealnaban nunk lá idub. No ixiste naꞌ bexa wa ndoꞌ gealgut gal wizh lult.

Leꞌa Jesús cha ukaꞌab ndab: —Leꞌa ta ndee ta nlad Dios: gungea ladna bega naꞌ, xa mtuꞌub Dios.

Leꞌa itea bexa na nsaꞌa Xus naꞌ ndoꞌ naꞌ, bexa weꞌe ndiꞌid wats naꞌ no nunk naꞌ lá uxelad bexa.

Leꞌa Simón Pedr cha ukaꞌab ndab: —Señor, ¿tonta ndoꞌ ná yaꞌbe besa zha? Leꞌa go nabtsa ndadiꞌizh diꞌizh nsaꞌa gealnaban nunk lá idub.

Leꞌa naꞌ ndee leꞌa nak pan nban ulen gibeꞌa. Leꞌa tal ton gaw pan ndee, leꞌa xa wa gap gealnaban nunk lá idub. Leꞌa pan usa naꞌ wa beꞌal las naꞌ, ta usa naꞌ ndontsa gap be men gealnaban ndoꞌ Dios.

Naꞌan ton yoo gan giꞌid wats naꞌ, tal leꞌa Xus naꞌ xa mtuꞌub naꞌ lid leꞌa goꞌo xa wats naꞌ. Leꞌa naꞌ ixiste bexa wa ndoꞌ gealgut gal wizh lult.

Leꞌa pan na nsaꞌa Dios wa, leꞌa ta wa ta utoꞌo gibeꞌa, ta nsaꞌa gealnaban ndoꞌ be men nde ndoꞌ gizhliyo.

Leꞌa naꞌ leꞌa nak pan nsaꞌa gealnaban.

Leꞌa Jesús cha usen be pan wa, cha msaꞌa xa xno ndoꞌ Dios. Cha msaꞌa xa‑yá ndoꞌ be xmen xa utseꞌa bexa‑yá ndoꞌ be men ndebe sa wa. No liga mbinno xa be mbeal wa. Leꞌa be men cha udaw‑a gast plo nlad bexa. Leꞌa gor na yá mzhea bexa, cha ndab Jesús ndoꞌ be xmen na: —Bteleꞌe bega be ná myaꞌan sobr baꞌ, ndontsa naꞌanpa gazhaꞌa‑yá.

Leꞌa gor na yá nchabeseala bexa pa dub gaꞌay natal xoꞌop kilómetro ndoꞌ nits wa, weꞌe uniꞌí bexa Jesús nsea gax wats barco, nchaꞌseandats xa ndoꞌ nits. Cha mzheb bexa. Parea leꞌa Jesús cha ndab ndoꞌ bexa: —¡Lá izheb bego! ¡Leꞌa ta ndee naꞌ!