Popular Bible Verses from Mateus 4

Share

Mais Yesus nataa naꞌak, “Hakerek tiꞌan iha Hakerek Moon naꞌak: ‘Ema raiklaran la moris nosi haan dei. Mais sia moos musti nanono Maromak Manfatin, nodi nalo tuir Niakaan beer.’ ”

Mais Yesus nakbehek naꞌak, “Hoi, Diabu! Sees mosi neꞌe! Hakerek Moon naꞌak, ‘O musti loꞌu-sudur baa Naꞌi Maromak, no serwisu bodik Nia mesan dei.’ ”

Mais Yesus nataa naꞌak, “Hakerek Moon naꞌak, ‘Naꞌi Maromak nia, okaan Naꞌin. Keta maruka Nia nodi Niakaan beran atu natudu kakaer naꞌak, Nia mak tebe-tebes Maromak.’ ”

Nunia hotu, Maromak Kmalar Lulik dada nodi Yesus baa fatin fuik ida, nebee diabu ulun koko Nia. Iha nia, Yesus nalirin aan loron haat nulu, kalan haat nulu. Nia noran salaen tebe-tebes

Nasoru tiꞌan, Yesus bolu sia naꞌak, “Hei, mai tuir Haꞌu ona! Loro-loron emi buka naꞌan tasi, mais oras neꞌe Haꞌu atu kanorin emi atu buka ema, nebee sia moris tuir Naꞌi Maromak.” Rona nola nunia, sia rua laꞌo nela siakaan daitiha, hotu tuir kedas Yesus.

Nahuu baa oras nia, Yesus nanorin ema naꞌak, “Emi musti laꞌo hela emikaan salan, nebee moris loos ona! Tan oras neꞌe, ema hotu-hotu bele tama tiꞌan dadi baa Naꞌi Maromak eman.”