Popular Bible Verses from John 8

Share

Edo iji ainde Iesu mi tenda embomaide ge tedo sisina, “Na awa embomai butu dededa parara. Embo da ainmi na ambo ambo edo eira awa, mana muyaeda pepeta aina, ata wasiri piarida parara baina.”

Edo imomane gebé awa gawa, edo gebé ami imomane udegaina.”

Edo Iesu mi Jew embomai ainmi awamaneda gebé ari ainda yai pietera awamanede sisina, “Imomane nato ge matawa kera awa gido, imomane awa nato ambodanibé.

Awatedo, Mai mi imomane udegaina gido, imomane udegaribé bawa.

Edo awamanemi tedogari ainde dowae matawa tero imo pangedo awamanede sisina, “Imomane embo da ainmi jimbo beyae itae gido ine gisi ganuma budo augedo eutu eiwa dari betare.”

Iesu mi awamanede mina sisina, “Eiwa awa gebé bajina imondemane tena. Embo berari ainmi jimbo beyae edo eira, imo awa jimbo beyaeda buro embo.

Edo Iesu erido petedo eutu gido ainde sisina, “Eutu, embo imo bekumba etera, awamane yai nonda mamberi? Embo da ainmi imo bekumba ae ta?” Eutu ami sisina, “Badari, embo da ainmi na katae.” Edo Iesu mi ainde sisina, “Na imo daedo katainyae. Mambuyo, edo boroko einda edo tenda jimbo beyae ainyae.”