Popular Bible Verses from Mark 5

Share

Anina ma Iesu, wavine i riwei i pa, “Natu, am tumaḡana ivi lawanim. Am doria i kwa, ana nuaubam ma nae!”

Wavine tagogi, tauna tara-doriana awarina i mae da madeḡa 12 i kwa. Ana mane anataputapuna, dokedoketa maḡamaḡaui awarii i tawanei ma eḡa tagotagogina itavi lawani ma amapo da ana doria i rarata.

Maratagogi, tara-doriana i wana-tuini ma malana i vaia da i lawana.

Iesu, tevera nimana i vaia ma i riwei i pa, “Talitha koum!” wei anona, “Kukuma, mavo mairi!”

Maranai i bababani ma rava ḡelaui Jairus ana numei i nei ma i riwei i pa, “Natum ana mara i kwa. Eḡa Taugiu ma visina-viravirai.” Iesu ai babani i nonora-tawanei ma Jairus i riwei i pa, “Eḡa ma rovo, mavi tumaḡana !”

Iesu, ravana i riwei i pa, “Arua-apoapoena, wei orotona ma oputawaneii!” Ma orotona, ponana au aidamo ma i garara, “Iesu, God Aidamo Telerana Natuna! Aiwai awariu e ḡoeḡoei? God wavanei avivi baḡaim da eḡa ma kovoḡiu!” Iesu, orotona ivi taravirevirei i pa, “Tam wavam aiai?” I paribelei i pa, “Tauai a maḡa, au baina tau wavau lamna Ḡavia Patarana .”