Popular Bible Verses from John 6

Share

Jesus uqallautiŋagai, Taamnauruŋa punniq iñuupkairuaq iñuŋnik isuitchuamun. Iñuk qairuaq uvamnun kaakkumiñaipiaqtuq, suli iñuk ukpiqtuaq uvamnun imiġuksiuyumiñaipiaqtuq.

Ilitqusiq aitchuiruq iñuggunmik, timi aitchuiḷaitchuq iñuggunmik. Uqaluich uqautigiŋaratka ilivsiññun sivuniqaqtut ilitqusivsiññun aasii aitchuivḷutiŋ iñuggunmik.

Siġġaqutiginagu niqiłhiñaq nuŋuraġaqtuaq, aglaallu siġġaqutigisiuŋ taamna nuŋulaitchuaq, niqitun ittuaq iñuupkaġumiñaqłusi isuitchuamun. Iġñiŋata Iñuum aitchuġumiñaġaasi taavrumiŋa niqimik, qanuq God-im Aapam ataniġnaqusiŋagaa tainna piḷḷasivḷugu.

Uvva pisuutaa Aapama, iñupayaat tautuktuat Iġñiŋanik ukpiġvigivlugulu iñuggutiqaġniaqtut isuitchuamik, aasii uvaŋa aŋipkaġniaġitka aqulliġmi uvlumi.

Jesus kiuŋagai, Uvva savaaq savaaġitqukkaŋa God-im ilivsiññun, ukpiquvlusi Aapam tiliraŋanun.

Iluqaġmiŋ iñuich Aapam qaisaŋi qaiñiaqtut uvamnun, aasii iñuk qairuaq uvamnun pisuŋiññiaŋitkiga.

Simon Peter-m kiuŋagaa, Ataniiq, kimun aullaġniaqpisa? Ilivich uqaluqaqtutin iñuunaqtuanik isuitchuamun.

Uvaŋauvva iñuunaqtuaq punniq atqaqtuaq qiḷaŋmiñ. Kialiqaa niġigumiuŋ taamna punniq ilaa iñuuniaqtuq isuitchuamun, aasii uvaŋa timiga punniġuruq aitchuutiginiakkaġa nunam iñuŋi iñuggutiqaquvlugich.

Kiñaliqaa qaiyumiñaitchuq uvamnun Aapam tilisiruam uvamnik qaisuliqsinŋisuaqpani. Aasii uvaŋa aŋipkaġniaġiga uvlumi aqulliġmi.

Qanuq God-im pigikkaŋa punnipiaq ilaaguruq atqaqtuaq qiḷaŋmiñ aasii aitchuivḷuni iñuggunmik isuitchuamik nunam iñuŋiñun.

Uvaŋa taamnauruŋa punniq iñuunaqtuaq.

Tavra Jesus tiguŋagai punniġich, aasii quyaanikami God-mun, autaaŋagai aquppiruanun, tainnatun suli iqalluk, qanutun niġisuktilaaŋatiktun. Tavra niġianigataġmata pisuġuiqł̣utiŋ, ilaan uqallautiŋagai iḷitchitqurani, Katitchigik iḷakut kisiŋŋuqtauruat iksaluquŋiḷḷugich.

Ipuqsruanikamiŋ piŋasutulluunnii naagga sisamatun mile-luuġutitun, tautukamirruŋ Jesus pisuaqtuaq immam qaaŋagun qalliruaq umiaqpauramun, iliŋich iqsitchapiaġataŋarut. Ilaan uqallautiŋagai, Uvaŋauruŋa, iqsiñasi.