Popular Bible Verses from Mark 13

Share

Suli uumigitchiġñiaqtusi iñupayaaniñ pisigiluŋa, aasii iñuk igḷutuutiruaq nagliksaaqtitauniġmik iñuuniqtutilaamisun, annaurrauniaqtuq.

Qaunakkutitchi, quviqtaiḷisitchiḷu, qanuq iḷisimaŋitchusi qakugu taimña uvluq tikisilaaksraŋanik.

Tavraasii tigutaaqpasi, aullautilusi uqaqsitaaġviŋñun, uŋiarrisaqaġnasi sivuani piviksram sunik uqaluksravsiññik. Uqaġnaqsikpasi uqaġumausi qanupayaaq uqaluksriusiavsiññik tavraġuqpan. Qanuq uqaluginiakkasi ilivsi uqalugiŋitkisi, aglaan uqaluksriusiaġiniaġisi Ilitqusiġiksuamiñ.

Qiḷaglu nunalu piiġñiaqtuk, aglaan uqalutka piiġumiñaitchut.

Iñupayaam nalugaa taimña uvluq ikarraġlu tamatkua nalaurviksrautaat. Isaġulgich unnii qiḷaŋmiittuat, Iġñiġuvlu nalugaat. Aapam kisimi iḷisimagaa.

Tusaaguvsi aŋuyaktuanik qanitkaluaqpata naagga uŋasikkaluaqpata iłuiḷḷiuġutiginagich. Tamatkua piruksraurut, aglaan sivuniġiŋitkaat isuksraq tikiññiḷugu.

Quviqtaiḷisitchiḷi, qanuq iḷisimaŋitchusi qakugu atanġa iglum qaiñiaqtilaaŋanik, tanuġaksiruami, naagga unnuaq qitiqqaqpan, naagga qauyasiaqsikpan, naagga uvlaami. Iḷaanni qaił̣ł̣agluni siñiktillusi qaiviaqtuq. Aasii uqallautiga ilivsiññun, uqallausiġigiga iluqaiññun, Quviqtaiḷisitchi.

Nunauruat aŋuyagniaqtut allanun nunauruanun. Suli umialiqaqtuat aŋuyagniaqtut allanun umialiqaqtuanun. Nunasuli aularaġaġniaqtuq sumipayaaq, iñuiḷḷu paniġniaqtut niqaiḷḷiuġlutiŋ. Tamarra tamatkua aullaqisaaŋich isumaaġutit piruksrauruat Christ-guruaq qaiŋaiñŋaan.

Christ-guruaq qaiŋaiñŋaan, tusaayugaaġiksuaq alġaqsruutauqqaaqtuksrauruq iñupayaanun.

Qanuq iñugiaktuat iñuich qaiñiaqtut uvaŋauŋŋuaqtuat uqaġlutiŋ, Uvaŋa Christ-guruŋa, aasii iñugiaktuat sagluqilugich.

Aasii qaunagiyumausi ilivsiññun, qanuq aitchuutiginiaġaasi uqaqsitaaġviŋñun, suli Jew-guruat aŋaiyyuviŋiññi anaullaqtauniaqtusi, suli qaġġirrauraġaġniaqtusi sivuġaŋiññun atanaurallu umialgiḷḷu pisigiluŋa, ilivsi quliaqtuaġumiñaqsiḷusi tusaayugaaġiksuanik iliŋiññun.

qanuq Christ-guŋŋuaqtuat, uqaqtauŋŋuaqtuallu God-mun iñukpalliġñiaqtut savaglutiŋ aliuġnaqtuanik nalupqinaiġñiaqługu kiutilaaqtiŋ, asiñuutiniaqsaalugich God-im piksraqtaaŋi, sagluqiyumiñaġumisigik.

Tavra taipkunani uvluni, pianikpan taamna iłuiḷḷiuġutiqpak, siqiñiq taaksiñiaqtuq, tatqiġḷu qaummaġiŋaiġñiaqtuq. Suli uvluġiat katagniaqtut, suli qaummatit siḷamiittuat uniuqtinniaqtut inimiŋniñ.