Popular Bible Verses from Mark 16

Share

Tavra ilaan uqallautiŋagai, Aullaġitchi nunapayaanun, aasii alġaqsruutigilugu tusaayugaaġiksuaq iñupayaanun.

Tamatkua ukpiqtuat piqaġniaqtut makkuniŋa nalunaiñŋutaŋiñik suaŋŋatim. Anittaġniaġaich ilitqusiqł̣uich uvaŋa atipkun, uqaġniaqtullu uqautchiñik nalukkamiŋnik, tiguniaġaich nimiġiat tuqunaqaqtuat, suli imiġaluaġumiŋ qanusiḷimaamik tuqunamik, anniġumiñaitkai.

Iñuk ukpiqtuaq tusaayugaaġiksuamik suli paptaiqsauruaġlu annaurrauniaqtuq, aglaan ukpiŋitchuaq suksraunġiqsauniaqtuq.

Iḷitchitqurat aullaqłutiŋ alġaqsruiŋarut sumiḷiqaa. Aasii Atanġum savaqatigiŋagai ukpiġnaqsiḷiqługu alġaqsruiñiŋat iḷumun itilaaŋanik aliuġnaqtuatigun savaaŋisigun.] Amen.

Tavra ilaan uqallautiŋagai, Iqsitchagnasi. Ivaġiksi Jesus Nazareth-miu, kikiaktuurrauŋaruaq, aŋiŋaruq. Uvaniinŋitchuq. Tautuksiuŋ uvva inaa iḷuviġmarruŋ.

Taamna uyaġak aŋitaktuaŋaruq. Tavra qiviaqamiŋ, tautuŋagaat uyaġak aksraktinŋaruaq. Tavra isiqłutiŋ iḷuvviviŋmun, tautuŋagaat nukatpiaq aquppiruaq taliqpiata tuŋaani, annuġaaqaqłuni akuqturuamik qatiqtuamik, aasii iqsitchakłutiŋ.