Popular Bible Verses from Lucas 4

Share

“Espíritu nuwácali shínaa yáairri nunácu, jiníwata liníwaca nuyá quéewique'e nutée chuánshi wáalii nalí náa'a carrúni jináatanica; libánua nuyá nuíiwadeda chítashia éewau'inaa mabáji náa'a presoca ya nuéejueda natuí náa'a matuínica; nuchánaa nuéda nabáji náa'a nabádadanica; nuíiwa liá'a camuí sáictaica Wawácali shínaaca.”

Jesús éeba'ee lichuáni: —Nuyá jócai túyau jirrú, jiníwata limá liá'a tánerricoo: ‘Jitúyau Diosruja, ya jisírbia lirrú bácai.’

Jesús éeba'ee: —Limá'ee liá'a Dios chuáni jái tánacuwai: ‘jócai bácai íyacaishiyu liyá liá'a washiálicuerrica.’

Jesús Espíritu Santo cámusheda liwítee, léejoo méeda Jordán néenee, ya Espíritu litée jiníctala yáairri.

Jesús éeba'ee Wawásimi chuáni: —Limá lécchoo liá'a tánerricoo: ‘Ujimáca máashii Diosru jiwówaini limédaca.’

Quéecha'inaami Wawásimi jócu léenaa liwána Jesús méda lijíconau, néenee Wawásimi dáanau liúcha íchaba éerri.

Néenee Wawásimi írrida Jesús ya líyada lirrú quinínama náa'a país éerri rícu, limá lirrú: —Nuá jirrú quinínama jiwánacaalaque'e éerri rícu cawéninica. Níwata nuyá nunísani nurríshibiaca, ya nuá tánashia nuwówaini nuárru jíni. Jitúyactau nulí ya jiá nulí sáicai, quinínama jishínaaminaa. Jesús éeba'ee lichuáni: —Nuyá jócai túyau jirrú, jiníwata limá liá'a tánerricoo: ‘Jitúyau Diosruja, ya jisírbia lirrú bácai.’

Liáwinaami Wawásimi tée Jesús chacáalee Jerusalénra, lírrida liyá templo ítala mawíta áacaica ya limá lirrú: —Yáawaicta Dios Cúulee jiyá, jicáteu cáinabi rícula wayéji áani; Jiníwata limá liá'a tánerricoo: ‘Dios bánuaminaa lishínaa ángelbini nayúda ya natúya jiyá. Nanácudaminaa jiyá nacáaji rícuu, jócubeecha jíinuau íiba nácula’. Jesús éeba'ee Wawásimi chuáni: —Limá lécchoo liá'a tánerricoo: ‘Ujimáca máashii Diosru jiwówaini limédaca.’