Popular Bible Verses from Apostoli 5

Share

O Petri ai le apostoli den palpale: Mai mišto te patias le Devles sar le manušen.

Ai sako dies, ande o templo ai ande le khera, von či ašenas te na sikiaren, ai te phenen e laši viasta katar o Jesus Kristo.

O Petri phenel leske: Ananias, sostar o Satan pherdias tjiro ilo, kadia sar tu xoxaves le Svinto Duxo, ai ke tu ninkerdias jekh partia anda so lian kana bikjindian o kimpo. Te na avilinosas bikjindo, nas t'avel tjiro? Ai, pala ke sas bikjindo le love nas von t'aven tjire? Sar tromailian tu te thos ande tjiro ilo kasavo gindo? Nai ke le manušenge ke tu xoxadian, numa le Devleske. O Ananias, ašundias kudala vorbi, pelo tele, ai mulo. Jekh bari dar lias sa kudalen kai sas kothe.

Ai akana, me phenav tumenge, na len sama katar kudala manuš, ai muken le te žiantar. Te kadia diela vai kadia butji avena katar le manuš, von perena tele; t'avena katar o Del, tume naština te phagen len. Den tumen sama te na thon tume te maren pe le Devlesa.