Popular Bible Verses from Lukas 9

Share

Porme phenel savořenge: Te kamela varekon t'avel pala mande, te bustrel pe vo, te lel sako dies pe peste pesko trušul, ai t'avel pala mande.

Ke kudo kai kamela te skipil pesko traio xasarela les, numa kudo kai xasarela les pala mande skipila les.

O Jesus del les palpale: Kana varekon thol pe te phařavel e phuv ande o kimpo ai porme dikhel palpale, nai vužio ande e amperetsia le Devleski.

Ai so avela jekhe manušeske te niril sa e lumia, numa rimola pe vai xasavola peske?

Ke kon-godi avela leske lažiav mandar ai katar muře vorbi, o Šiav le manušesko avela leske lažiav lestar, kana avela ande pesko vestimos, ai ande o vestimos le Dadesko ai leske svintsi andželongo.

O Jesus del les palpale: Le lisitsi si le kai te garadion, ai le čiriklia anda o čeri si le kuiburi; numa o Šiav le manušesko nai les kai te hodinil lesko šero.

ai phenel lenge: Varekon kai primil ande muřo anav kadala tsinořa glata primil man; ai kon-godi primil man primil kudales kai tradias man. Ke kudo kai si o mai tsinořo maškar tumende, kudo si o mai baro.