Popular Bible Verses from Marko 13

Share

Tume avena vuřitsime katar sa, pala muřo anav, numa kudo kai ninkerela ži ande o gor avela skipime.

Len tume sama, arakhen tume ai řudjin, ke tume či žianen kana kudia vramia avela.

Kana ningerena tumen te den tume ande le vast tumare dušmanongo, na daran so avela tume te phenen angla savořende, numa phenen so avela tumenge te phenen ka kudo časo; ke či avela tume ke dena duma, numa o Svinto Duxo.

O čeri ai e phuv nakhena, numa muře vorbi či nakhena.

Kana avela o dies vai o časo, khonik či žianel, či le andželi ande o čeri, či o Šiav, numa o Dad ferdi.

Kana tume ašunena pa le marimata ai e viasta le marimaski, te na daran tume, ke trubul kudala dieli t'aven. Numa inke či getola pe e lumia.

Len sama, ke tume či žianen kana avela o birevo le kheresko, vai e riat, vai maškar e riat, vai kana gjilabel o kokošo, vai diminiats. Daran ke vo arakhel tume ke soven, kana vo avela strazo. So me phenav tumenge, me phenav les savořenge: Arakhen tume.

Jekh them vazdela-pe pe jekh kaver them, ai jekh amperetsia pe jekh kaver amperetsia; avela te isdral e phuv ande uni thana, avela e bokh. Kothar lena pe le dukha.

Trubul o mai angluno ke e laši viasta t'avel phendi ka sa le thema.

Ke but avena ande muřo anav, phenena: Me sim. Ai von diliarena buten.

Len tume sama tume. Ningerena tumen ande e kris, ai tume avena marde le rovliansa ande le khangeria židovitsko; tumen ningerena tume angla le vladori ai angla le amperatsi, pala mande, te sikaven tume.

Ke uštena falši Kristuri ai falši profeturi; von kerena šodo ai čudeni te diliaren le alomen, te šai daština.

Numa ande kudala dies, pala o nasulimos, o kham kaliola, o šiunuto či mai dela peski vedaria, le čeřaia perena anda o čeri, ai le zurale kai si ande o čeri miškina pe.