Popular Bible Verses from Yohaana 15

Share

Niinye muzaabibu, naimwe muri amataagi. Oguma omuriinye, naanye omuriwe, ogwo niwe ayana ebyana bingi; ahakuba nyowe ahu ntari, timwine ki murikubaasa kukora.

Mugume omuriinye, naanye omuriimwe. Nk'oku eitaagi ritabaasa kwana byana ryonka, ryaba ritagumire ha muzaabibu, nikwo naimwe mutarikubaasa, mwaba mutagumire muriinye.

Ku muraagume omuriinye, n'ebigambo byangye byaguma omuriimwe, mushabe kyona eki murikwenda, kiryabakorerwa.

Timwe mwantooraine; niinye naabatooraine, nkabataho ngu mugyende mwane ebyana, kandi ngu ebyana byanyu bigumeho; n'ahabw'ekyo kyona eki murishaba Isheboona omu iziina ryangye, aryakibaha.

Tihariho rukundo erikukira egi, omuntu okufeera banywani be.

Buri itaagi eriri omuriinye, eritaana byana, aritemaho; kandi buri itaagi eryana ebyana, arisharira ngu rikizeho kwana.

Eki nikyo kiragiro kyangye, mukundane nk'oku naabakunzire.

Ekihimbisisa Tata, kikahamya ku muri abeegi bangye, niimwe okwana ebyana bingi.

Nyowe ndi omuzaabibu gw'amazima, na Tata niwe muhingi.

Omuntu ku aba atagumire muriinye, anagwa nk'eitaagi, kandi ayoma; ago mataagi gashangurizibwa, ganagwa omu muriro, gasya.

Ebi naabibagambira, ngu okushemererwa kwangye kube omuriimwe, kandi ngu okushemererwa kwanyu kube okuhikire.

Ku muriguma nimworobera ebiragiro byangye, muryaguma omu kukunda kwangye, nkaanye oku ntuura niinyorobera ebiragiro bya Tata, nkaguma omu kukunda kwe.

Ebi nimbibaragiira ngu mukundane.

Kuri muri ab'ensi, ensi ekaabakunzire, ahabw'okuba abaayo; kwonka ahabw'okuba timuri b'ensi, kandi nkabatoorana kubaiha omu b'ensi, nikyo ensi erikubangira.