Popular Bible Verses from Mako 13

Share

kandi muryayangwa abantu boona nibabatura eiziina ryangye. Kwonka origumisiriza okuhitsya aha muheru, niwe arijunwa.

Mwerinde, mugume nimureeba, kandi mushabe, ahakuba timurikumanya ahu obunaku obwo burihikira.

Ku bariba nibabatwara omu manja, baabahayo, mutaryeremeza omutima ahabw'ebi murigamba; ahakuba tiimwe muryegambisa kureka Omwoyo Orikwera.

Eiguru n'ensi biryahwaho, kwonka ebigambo byangye tibirihwaho.

Kwonka eby'ekiro ekyo n'obunaku obwo tihaine orikubimanya, n'obu baakuba baamaraika ab'omu iguru, n'obu yaakuba Omwana, kureka Ishe wenka.

Ku murihurira engamba n'okurangaanwa kwazo, mutaritiina; ebyo bishemereire kubaho; kwonka emperu yo eryaba etakahikire.

N'ahabw'ekyo mugume nimureeba, ahabw'okuba timurikumanya bunaku obu mukama w'eka ariiziramu, yaaba mu mwabazyo, nari omu itumbi, nari enkoko nizigamba, nari omu kasheeshe, atakaija kitaraariire, akashanga mugwejegyeire. Eki ndikubagambira imwe, nikyo ngambira boona, nti: Mugume nimureeba!

Eihanga riryateera erindi ihanga, n'obugabe buryateera obundi bugabe; haryabaho emitsitsa omu myanya mingi, haryabaho n'enjara; ebyo niyo ntandikiro y'obusaasi.

Kandi engiri eshemereire kubanza kubuurirwa omu mahanga goona.

Baingi baryaija omu iziina ryangye nibagira bati: Niinye Kristo! Kandi baryahabisa baingi.

Kwonka mwerinde; ahakuba baryabahayo omu mashengyero; muryateererwa omuri sinagogi; muryayemerera omu maisho g'abategyeki n'abagabe ahabwangye kuba baakareebi bangye omu maisho gaabo.

ahakuba haryaimuka abarikweyeta Kristo na baanabi b'ebishuba, baryakora eby'okureeberaho n'eby'okutangaaza, babone kuhabisa n'entoore, kyaba nikibaasika.

Kandi omu biro ebyo bwanyima y'obusaasi obwo, eizooba riryashwekwa omwirima, okwezi tikuryaka, enyonyoozi ziryaragara okuruga omu iguru, n'eby'amaani eby'omu iguru biryatengyetsibwa.