Popular Bible Verses from Luk 16

Share

Mundu jwakulupicika pa yindu yamnono, taciŵa jwakulupicika pa yindu yekulungwa. Soni mundu jwali jwangakulupicika pa yindu yamnono, taciŵa jwangakulupicika soni mu yindu yejinji.

“Pangali jwamasengo jwa mpaka apakombole kwatumicila acambujegwe ŵaŵili, ligongo komboleka kumŵenga jumo ni kumnonyela jwinejo, kapena kumpikanila jumo ni kumnyosya jwinejo. Ngaŵa mkupakombola kumtumicila Mlungu ni cipanje ndaŵi jimpepe.”

Nambi naga jemanja mŵele ŵangakulupicika pa yipanje yakupata m'matala gangalumbanayi, ana ŵani mpaka ampe jemanja yipanje kuti myiloleleje? Naga ngamkukulupicika pa yindu ya mundu jwine, ana ŵani ŵitampe yindu yine kuti yiŵe yenu yenupe?”

Nambo Abulahamu ŵatite kuti, ‘Naga ngakwapikanila Mose ni ŵakulocesya ŵakwe, nikuti ngasiyikomboleka soni atamose jwine ajimuce ku ŵawe.’ ”

“Jwamlume jwalijose jwakwaleka ŵamkwakwe ni kuja kulombela ŵakongwe ŵane, jwalakwejo atesile cikululu. Soni jwamlume jutalombele ŵakongwewo, nombe najo akutenda cikululu.”