Popular Bible Verses from Luk 7

Share

Ali ni ligongo lyakwe ngumsalila kuti cinonyelo cekulungwa calosisye jwalakwejo, cikusimicisya kuti Mlungu akululucile ulemwa wa jwalakweju uwaliji wejinji. Nambo jwakululucidwe ya panandi akusamnonyela mwa panandi.” Kaneko ŵamsalile jwamkongwe jula kuti, “Ulemwa wenu ukululucidwe.”

Nambo Yesu ŵamsalile jwamkongwejo kuti, “Jawulagani mu mtendele, cikulupi cimkwete cimkulupwisye m'mwejo.”

Kaneko ŵajile kutindiŵala ku nyuma kwa Yesu. Ŵalisile nipo kaneko ŵatandite kucapa sajo sya Yesu ni misosi jakwejo ni kusijumusya pakukamulisya masengo umbo syakwe jwamkongwejo. Jwamkongwejo jwakwayisye ni ngomo syakwe sajo sya Yesu ni kusipakasya mawuta gala.

Ali ni ligongo lyakwe naliweni namsyene kuti nganguŵajilwa kuti yice kwa wawo. Nambo agambe kuŵeceta liloŵepe nipo jwamasengo jwangu taŵe cenene. Unetu ngwete acakulungwakulungwa ŵakundamulila, nambo soni ngwete asilikali ŵingusinalamulila. Ngusatiji naga namsalile jumo kuti, ‘Mjawule’, akusajawula. Naga ngumsalila soni jwine kuti, ‘Myice’, akusayikaga, naga ngumsalila kuti, ‘Mtende camti’, jwalakwejo akusatenda.” Yesu piŵapikene maloŵega ŵasimonjile nago, ni ŵagalawucile ŵandu ŵaŵamkuyaga ŵala ni kwasalila kuti, “Ngumsalila jemanja kuti, une nganinacisimane cikulupi mpela celeci sikati ja Aisalaeli.”

Pandaŵi jelejo Yesu ŵaliji mkuposya yilwele yejinji yakulekanganalekangana ya ŵandu. Ŵaliji mkukoposya misimu jakusakala* soni ŵaliji mkwatendekasya ŵandu ŵangalola kuti alole. Myoyo Yesu ŵajanjile ŵakulijiganya ŵa Yohane ŵala kuti, “Mjawule mkasalile Yohane yosope yimyiweni ni kuyipikana. Ŵangalola akupakombola kulola, ŵalemale ngongolo akupakombola kwenda, ŵamatana akupola, ŵangapikana akupakombola kupikana, ŵane akwimusidwa kutyocela ku ŵawe, soni Ngani Syambone* syakwamba Yesu sikulalicidwa kwa ŵakulaga.