Popular Bible Verses from Mga Awit 51

Share

Isang pusong tapat sa aki'y likhain, bigyan mo, O Diyos, ng bagong damdamin.

Ang galak na dulot ng iyong pagliligtas, ibalik at ako po'y gawin mong tapat.

Sa iyong harapa'y huwag akong alisin; iyong banal na Espiritu'y paghariin.

ang handog ko, O Diyos, na karapat-dapat ay ang pakumbabá't pusong mapagtapat.

Ako'y kaawaan, O mahal kong Diyos, sang-ayon sa iyong kagandahang-loob; mga kasalanan ko'y iyong pawiin, ayon din sa iyong pag-ibig sa akin! Linisin mo sana ang aking karumhan, at patawarin mo'ng aking kasalanan!

Ako ay linisin, sala ko'y hugasan at ako'y puputi nang lubus-lubusan.

Sa iyo lang ako nagkasalang tunay, at ang ginawa ko'y di mo kinalugdan; kaya may katuwiran ka na ako'y hatulan, marapat na ako'y iyong parusahan.