Popular Bible Verses from Yai 3

Share

Rubanga oko waco be, “ANGO EN ANGO. Aso, in oti iwace jo me Isirael be, ‘ANGO ATIE ocwaa butu.’

Rubanga oko dwoko ne be, “Ango abino bedo tie kedi; gianena kame bino nyuto be ango en kame acwai en ine: kame in itieko kwanyo jo ki Misiri, in ibino donyo wora i wi moru noni.”

Rubanga oko waco ne be, “Kur inok kan! Gonyi amuka ki tieni, pien kakame itie cungo iye obedo lobo kacil.

Di Rwot oko waco be, “Ango atieko neno peko kame jo na tie iye i Misiri. Ango atieko winyo koko kame kitie kede pi jo kame kwao gi bala mabus, ateteni ango angeo can gi. Nan ango abino piny pi lako gi ki cing jo me Misiri, kede pi kwanyo gi ki lobo nono di ako tero gi i lobo aber di lac, lobo amio, en lobo kame jo Kanan, jo Kiti, jo Amor, jo Perisi, jo Kibi kede jo Yebu nan bedo iye.

Malaika ka Rwot oko neeno ne ki kuno i cal me mac aliel i abum; en eko ngino di eko neno di abum birano do likame edopokin.

Aso, nan ango atie cwani but Parao me Misiri pi ot kwanyo jo na ki lobo me Misiri.”