Popular Bible Verses from Yokana 19

Share

Kakame Yesu otieko jwijwio kede bwini awac nono, en eko waco be, “Otiek do.” Di do eko luro wie, eko to.

Ingei mano, Yesu oko waco (pi cobo kakare iwandik kacil) be, “Orio oneka,” pien oudo engeo be gi dedede do otiek.

Kakame Yesu oneno kede toto mere karacel kede ngasiao kame bin en emaro nono di kitie cungo i ngete, en eko waco ne toto mere be, “Neni, wodi ino!” Di en eko waco ne ngasiao nono da be, “Neni, toto ni ino.” Cako ceng no ngasiao nono oko tero toto me Yesu ture.

Do kakame kituno kede but Yesu, kiko neno be oudo etieko to, gin likame kiko turo tiene. Do sirikale acel oko cobo ngete kede tong; cucuto di remo kede pii oko wok kiye.

Pien gigi otimere tetekeny iwandik kacil cobere kakare, kame waco be, “Likame kobino turo cogo mere moro.” Bobo iwandik ace waco be, “Gin kibino ngino ngat kame kicobo.”

En eko donyo ooko di eyeo musalaba mere, di eko ot kakame kolwongo be Kabedo me Cogowic, kame kolwongo kede leb Eburania be Gologota.

Isirikalen oko cweno okuto aluka kiko keto i wi Yesu, di kiko rwako ne ekanso akwakwar.