Popular Bible Verses from Exodus 8

Share

Impatna-et damaddan magician ni pambalin hu dep-ul ni imuk, nem eleg da han-ipahding. Et kanda etan ni patul ey “Hi Apu Dios hu nengipahding ni nunya.” Nem nanengtun kahing etan patul e humman dedan la inhel APU DIOS.

Entanni ey immehel mewan hi APU DIOS nan Moses ey kantuy “Lakkay mewan et mu ehlen etan ni patul e kammuy ‘Kan ni AP-APU mi ey iebulut mudda tuuk et lumaw idan menaydayaw ni hi-gak.

Nem yan nenang-angan etan ni patul e endidda law hu tukak ey kahing mewan et eleg tudda u-unnudad Moses nan Aaron e humman dedan la inhel APU DIOS ni pehding tu.

Tep hedin kahing ka ey peelli tu hantapug ni tukak et um-apnal ida eyad bebley yu.

Kan mewan APU DIOS nan Moses ey “Ehel mun Aaron et iheplat tu etan hulkud tud puyek et mangkapyaddan emin hu dep-ul di Egypt ni imuk.”

Et mewa-wa ey nemahhig hu kapanligligasiddan tuud emin ni bebley di Egypt tep impaelin APU DIOS hu dakel ni allahhing. Et anin di baley etan ni patul et yad baley idan opisyal tu niyadda tuu tu ey napnun allahhing.