Popular Bible Verses from Genesis 28

Share

Ey emin di lawwan mu ey wada-ak ni mengippaptek ni hi-gam niya hi-gak hu ngenamung ni mengibbangngad ni hi-gam eyad bebley. Eleg daka e-waya, nem peamnuk emin eya impakulug kun hi-gam.”

Ey wada hi APU DIOS e immehneng di ta-pew ni teytey e kantuy “Hi-gak hu AP-APU e Dios ni dinaydayaw nan apum e hi Abraham ni hi amam e hi Isaac. Iddawat kun hi-gam et yadda helag mu eya puyek ni muka pambakbaktadi.

Bimmangun hi Jacob ey simmakut et kantuy “Tam wada gayam hi APU DIOS di deya ey eleg ku amta! Anggetakkut di deya! Huyya na-mu hu baley Apu Dios e habyen ni umlaw di kabunyan.”

Et isapatah Jacob e kantuy “APU DIOS, hedin itultuluy mun mekikkillalw ni hi-gak di lawwan ku niya ippaptek muwak et idwat mun emin hu kahapulan ku, henin kennen niya balwasik, et kayyaggud hu pambangngadak di baley ama, man hi-gam e AP-APU hu deyyawen kun Dios ku. Ey mambalin eya nengipeehnengan kun batun pandeyyawan ni hi-gam. Niya emin ali hu iddawat mun hi-gak ey pebangngad kun hi-gam hu kapulu tu.”

Dakel ali helag mu e heniddalli dep-ul e eleg mebillang et meihhinnap idallid kebebbebley di puyek. Ey emin ali tuud kebebbebley di puyek ey bendisyonan kudda gapun hi-gam niyadda helag mu.

Ingngadnan tu humman ni Bethel, nem ya ngadan tu dedan ni nunman ey Lus.