Popular Bible Verses from Acts 4

Share

“Unu kyaahn get salvieshan chruu nonbady els eksep Jesus, bikaaz God neva gi no ada niem mongs pipl weh dehn kyan kaal pahn fi get siev.”

Wen dehn don prie, di plies weh dehn wehn gyada tugeda staat shiek. Ahn aala dem get ful'op wid di Holy Spirit, ahn dehn staat priich God mesij bitout fiil fried ataal.

Ahn now Laad, luk how dehn deh tretn wi no. Wi aks yo: gi wi, yo ombl sorvans, plenty korij fi priich yo mesij bitout fiil fried.

Jesus dah di Wan weh di Skriptyo wende taak bout weh ih seh: ‘Di brik weh di bilda dem wehn seh, “no gud,” kom fi bii aftawod, di muos impuotant outa aala dem.’

Wen di liida dem si how Peter ahn John dah wehn jos aadinary ahn on'edyukietid pipl —bot neva fried fi dem ataal— di liida dehn wehn sopraiz ahn staat riiyalaiz seh dehn wehn yuuztu deh wid Jesus.

Iina demde diez di gruup a biliiva dem wehn gat wan haat ahn wan main, ahn nonbady seh weh ihn wehn uon dah wehn fi him aluon, bot dehn shier op evryting weh dehn wehn gat wid wan anada.