Popular Bible Verses from उत्‍पत्ति 17

Share

अब्राम गुइगुदँ दुबलय् परमप्रभु अब्रामयाथाय् खनेदय्‌कः झाल। अले वयात धयादिल, “जि दक्‍व शक्ति दुम्‍ह परमेश्‍वर खः। जिं धाःथें या, अले दोष मदय्‌क जु।

छंगु नां आः अब्राम मखु, अब्राहाम जुइ। छाय्‌धाःसा जिं छन्‍त यक्‍व जातितय् अबु यानाबियागु दु।

जिं छ व छिमि सन्‍तानलिसे चिनागु बाचा सदांया लागि म्‍वाकातये, छाय्‌धाःसा जि छं व इमि परमेश्‍वर खः।

“जिं छलिसे थ्‍व बाचा चिनागु जुल, छ यक्‍व जातितय् अबु जुइ।

परमेश्‍वरं धयादिल, “मखु, छिमि कलाः सारां काय् बुइकी। अले वयागु नां इसहाक ति। जिं जिगु बाचा व अले वया सन्‍तानलिसे चिने। थ्‍व बाचा सदांया लागि जुइ।

जिं छन्‍त व इमित छ आः च्‍वंवयाच्‍वंगु कनानया फुक्‍क बँ सदां सदांया लागि बी। अले जि इमि परमेश्‍वर जुइ।”

अब्राहाम बँय् भ्‍वपुल। अले मनं मनं थथे धयाः न्‍हिल, “सच्‍छिदँ (१००) दुम्‍ह मनूपाखें नं सन्‍तान दइ ला? गुइदँ दये धुंकाः नं सारां मचा बुइकी ला?”

परमेश्‍वरं अब्राहामयात हानं धयादिल, “आवंनिसें छं छिमि कलाःयात साराई धकाः धाये मते, आवंलि वयागु नां सारा जुल।

आवंनिसें छिमि मिजंमस्‍त फुक्‍कसिनं म्‍हय् चिं तयेमाः। थ्‍व हे छंगु व जिगु दथुइ चिनागु बाचाया चिं जुइ।

जिगु बाचा धाःसा इसहाकलिसे जुइ। वयात सारां दच्‍छि लिपा थ्‍व हे इलय् बुइकी।”

आवंनिसें छिमि मिजंमस्‍तय्‌सं च्‍यान्‍हु दुखुन्‍हु म्‍हय् चिं तयेमाः। थथे छिमिगु छेँय् बूपिं थः मस्‍तय्‌त जक मखु, पिनें न्‍यानाहःपिन्‍त नं यायेमाः। फुक्‍कसिनं म्‍हय् चिं तयेमाः। थुकथं जिगु बाचा छिमिगु म्‍हय् सदांया लागि दयाच्‍वनी।