Popular Bible Verses from གོ༌ཟུག༌ 32

Share

ཁོང༌ངི༌ མོལས༌, “ཏ༌ནེ༌ཕར༌ལ༌ ཁྱོ༌རང༌ང༌ ཡ༌ཀོབ༌ མན༌པ༌ ཨིས༌ར༌ཨེལ༌ ཟེར༌ཨིན༌, ཅིའ༌ཟེར༌ན༌ ཁྱོ༌རང༌ངི༌ དཀོན༌མཆོག༌ དང༌ མི༌གུན༌ ཉམ༌པོ༌ རད༌ཏེ༌ ཁྱོ༌རང༌ང༌ གྱལ༌ཁའ༌ ཐོབ༌།”

ཏེ༌ནེ༌ མི༌བོའེ༌ མོལས༌, “ང༌ ཆ༌ཅུག༌, ཉི༌མ༌ ཤར༌དུག༌།” ཡ༌ཀོབ༌བི༌ ལན༌ཏངས༌, “ཉེ༌རང༌ངི༌ ངའ༌ ཅིན༌ལབས༌ སལ༌ཏེ༌ མ༌ནེ༌ ངའེ༌ ཉེ༌རང༌ ཆ༌ མི༌ཅུག༌།”

ཁོ༌རང༌ ཅིག༌པོ༌ ལུས༌ཏེ༌ ཡོད༌ ཟ༌ནེ༌ མི༌ཞིག༌གི༌ ཁོ༌ ཉམ༌པོ༌ ནམ༌ ལང༌ལངས༌ ཚོག༌པ༌ ནོལས༌།

ཡ༌ཀོབ༌བི༌ ཟེརས༌, “ངའེ༌ ང༌རང༌ངི༌ མིག༌ནེ༌ དཀོན༌མཆོག༌ ཇལ༌ཏེའང༌ ང༌ སོན༌ཏེའ༌ ལུས༌།” ཏེ༌བོའེ༌ཕིའ༌ ཁོའེ༌ ཏེ༌ ས༌ཆ༌བོའེ༌ མིང༌ང༌ པེ༌ནིལ༌ ཏགས༌།

མི༌བོའ༌ ནོལ༌ཅེས༌སི༌ ནང༌ང༌ ཁོང༌ མི༌གྱལ༌ཅེས༌པོ༌ ཧ༌གོའ༌ཅིག༌ ཁོང༌ངི༌ ཡ༌ཀོབ༌བི༌ སྤི༌རུས༌པོའ༌ ཆག༌ རྩེས༌ཏེ༌ ཏེ༌བོ༌ ཚིགས༌སི༌ ནང༌ནེ༌ ཕིངས༌ཏངས༌།

མི༌བོའེ༌ ཏྲིའ༌ ཛདས༌, “ཁྱོ༌རང༌ངི༌ མིང༌ང༌ ཅི༌ ཨིན༌།” ཁོའེ༌ ཟེརས༌, “ཡ༌ཀོབ༌།”

ཡ༌ཀོབ༌བི༌ ཟེརས༌, “ཇུ༌ཇུ༌ ཉེ༌རང༌ངི༌ མིང༌ ཤད༌ད༌ ཛད༌།” ཨིན༌ནའང༌ ཁོང༌ངི༌ ལན༌སལས༌, “ཅི༌ཕིའ༌ ཁྱོ༌རང༌ངི༌ ངའེ༌ མིང༌ ཏྲིའད༌?” ཡང༌ ཁོང༌ངི༌ ཡ༌ཀོབ༌བ༌ ཅིན༌ལབས༌ སལས༌།

ཉེ༌རང༌ངི༌ ཡོག༌པོའ༌ སྟན༌ན༌ ཛད༌ཁན༌ ཨིད༌ཤེས༌ དང༌ ཐུག༌རྗེ༌ ཚང༌མ༌ ཐོབ༌ཅེས༌སི༌ འོས༌པ༌ ངའ༌ མན༌། ཡོར༌དཱན༌ ལྩངས༌པོ༌ རྒལ༌ཏེ༌ ཆ༌ ཟ༌ནེ༌ ངའེ༌ ལག༌ག༌ རྟེན༌ཅེས༌སི༌ བེར༌ཀ༌བོ༌ མ༌ནེ༌ ཅའང༌ མེད༌པིན༌ ཨིན༌ནའང༌ ཏ༌ ངའེ༌ ལག༌ག༌ སྡེ༌ ཉིས༌ དུག༌།

ཏེན༌ན༌བོའེ༌ཕིའ༌ དག༌སའང༌ ཨིས༌ར༌ཨེལ༌པ༌གུན༌ནི༌ སྤི༌ཤ༌ ཟའ༌ མ༌ནོག༌, ཅིའ༌ཟེར༌ན༌ ཡ༌ཀོབ༌བི༌ སྤི༌ཤའེ༌ གྱུས༌པ༌ མ༌སྐྱོན༌ སོང༌ཏེ༌ ཨིན༌པིན༌།

ཏེ༌ནེ༌ ཡ༌ཀོབ༌བི༌ མོས༌ལམ༌ ཞུས༌, “ངའེ༌ མེ༌མེ༌ ཨབ༌ར༌ཧམ༌མི༌ དཀོན༌མཆོག༌ དང༌ ངའེ༌ ཨ༌བ༌ ཨི༌སཱག༌གི༌ དཀོན༌མཆོག༌, ཡ༌ཝ༌ ཉེ༌རང༌ངི༌ ངའ༌ མོལ༌ལ༌ ཛདས༌, ‘རང༌ ཡུལ༌ དང༌ རང༌ངི༌ ཉེན༌གྲུང༌གུན༌ ཡོད༌སའེ༌ ས༌ཆའ༌ ལོགས༌ཏེ༌ སོང༌ ཡང༌ ངའེ༌ ཁྱོ༌རང༌ ཅི༌ཚང༌མའེ༌ ནང༌ང༌ ཐར༌ཁྱེལ༌ ཆ༌ཅུག༌ཨིན༌།’

ང༌ ངའེ༌ ཨ༌ཅོ༌ ཨི༌སུའི༌ ཀ༌ནེ༌ སྐྱོབ༌བ༌ ཛད༌ཅེས༌ལ༌ ངའེ༌ མོས༌ལམ༌ ཞུའད༌། ང༌ ཇིགས༌ས༌རག༌ ཅིའ༌ཟེར༌ན༌ ཁོ༌ ཡོངས༌ཏེ༌ སྤུང༌གོལ༌ ཅོས༌ཏེ༌ ང༌ མ༌ཚད༌ ངའེ༌ ན༌མ༌གུན༌ དང༌ ཕྲུ༌གུ༌གུན༌ སད༌སྲིད༌ཅེས༌ ཨིན༌ནོག༌།