Popular Bible Verses from ཡོ༌ཧཱ༌ནན༌ 1

Share

ཁོང༌ང༌ གའ༌སུས༌ ཞུས༌ཁན༌ ཡང༌ ཏད༌པ༌ ཅོས༌ཁན༌གུན༌ལ༌ ཁོང༌ངི༌, དཀོན༌མཆོག༌གི༌ ཕྲུ༌གུ༌ གྱུར༌ཅེས༌སི༌ འོས༌པ༌ ཐེས༌།

ཇིག༌རྟེན༌ ཆགས༌སི༌ སང༌ སྔུན༌ལ༌ བཀའ༌ ཡོད༌པིན༌། བཀའ༌བོ༌ དཀོན༌མཆོག༌ ཉམ༌པོ༌ ཡོད༌པིན༌, ཡང༌ ཏེན༌ན༌ བཀའ༌བོ༌ ནི༌ དཀོན༌མཆོག༌ ཁོང༌རང༌ ཨིན༌པིན༌།

འི༌ འོད༌པོའེ༌ མུན༌གྲིག༌ ལྡང༌ཤན༌ ཛད༌ད༌ནོག༌, ཡང༌ མུན༌གྲིག༌གི༌ ཏེ༌བོའ༌ ཕམ༌ཀལ༌ མི༌ཉན༌།

ཏེ༌ བཀའ༌བོ༌ སྐུ༌ལུས༌ལ༌ གྱུར༌ར༌ ཛདས༌ ཡང༌ ང༌ཞ༌གུན༌ནི༌ ཕྲོའ༌ ཞུགས༌ས༌ ཛདས༌། ང༌ཞ༌གུན༌ནི༌ ཁོང༌ངི༌ ཟིར༌རྗིད༌པོ༌ ཇལ༌, ཏེ༌ ཟིར༌རྗིད༌པོ༌ ཡབ༌བི༌ སྲས༌ ཅིག༌ཅིག༌པོ༌, ཐུག༌རྗེ༌ དང༌ དེན༌བའེ༌ གངས༌ཁན༌བོ༌ ཨིན༌།

ཁོང༌ གྱུད༌ཏེ༌ དཀོན༌མཆོག༌གི༌ ཅི༌ཚང༌མ༌ ཞང༌ང༌ ཛདས༌, ཁོང༌ མེད༌པའ༌ ཅི༌ཞིག༌གའང༌ ཞང༌ང༌ མ༌ཛདས༌། ཁོང༌ ནི༌ སྲོག༌ ཚང༌མའེ༌ ཇུང༌ཁུངས༌པོ༌ ཨིན༌ནོག༌། ཡང༌ ཁོང༌ངི༌ སྐུ༌ཚེ༌, མི༌ཚང༌མའེ༌ ཕིའ༌ འོད༌ ཨིན༌ནོག༌

ཐོ༌རེ༌ཟུག༌པོ༌ ཡོ༌ཧཱ༌ནན༌ནི༌ ཡེ༌ཤུ༌ ཁོང༌རང༌ ཆོགས༌ལ༌ སྐྱོད༌ད༌ ཟིགས༌ཏེ༌ མོལས༌, “ལྟོས༌ཤིག༌ ཁོང༌ ནི༌ དཀོན༌མཆོག༌གི༌ ལུ༌གུ༌, ཇིག༌རྟེན༌པ༌གུན༌ནི༌ སྡིག༌པ༌ མེད༌ཁན༌ ཅོའ༌ ཛད༌ཁན༌བོ༌ ཨིན༌ནོག༌།

ཇིག༌རྟེན༌ ཛད༌ཁན༌བོ༌ ཇིག༌རྟེན༌ནི༌ ནང༌ང༌ སྐྱོད༌ཏེའང༌, ཇིག༌རྟེན༌པ༌གུན༌ནི༌ ཁོང༌ ངོ༌ མ༌ཤེས༌། ཁོང༌ ཁོང༌རང༌ངི༌ མི༌གུན༌ནི༌ཀ༌ སྐྱོདས༌, ཨིན༌ནའང༌ ཁོང༌གུན༌ནི༌ ཁོང༌ང༌ གའ༌སུས༌ མ༌ཞུས༌།

མི༌ཚང༌མ༌ལ༌ འོད༌ སལ༌ཁན༌ནི༌ ཏེ༌ དེན༌བའེ༌ འོད༌པོ༌ ཇིག༌རྟེན༌ནི༌ ནང༌ང༌ སྐྱོད༌ད༌ ཛད༌ཏེ༌ ཨིན༌ནོག༌།

ལུང༌སྟོན༌པ༌ མོ༌ཟེས༌ གྱུད༌ཏེ༌ དཀོན༌མཆོག༌གི༌ བཀའ༌ཁྲིམས༌གུན༌ ང༌དང༌གུན༌ལ༌ སལ༌ལ༌ ཛད༌ཏེ༌ ཨིན༌པིན༌, ཡང༌ ཐུག༌རྗེ༌ དང༌ དེན༌བའེ༌ ལམ༌ ང༌དང༌གུན༌ལ༌ ཡེ༌ཤུ༌ མ༌ཤི༌ཀ༌ གྱུད༌ཏེ༌ སལ༌ལ༌ ཛད༌ཏེ༌ ཨིན༌།