Popular Bible Verses from ལུ༌ཀ༌ 12

Share

ཏེ༌བོའེ༌ཕིའ༌ ཁྱོ༌ཞའ༌ ཏུས༌གྱུན༌ གྲལ༌གྲིག༌ དུག༌གོས༌ ཅིའ༌ཟེར༌ན༌ ཁྱོ༌ཞ༌གུན༌ནི༌ རེ༌ཝ༌ མེད༌དི༌ ཏུས༌ལ༌ མི༌རིགས༌སི༌བུ༌ ཡོང༌སྲིད༌ཅེས༌ ཨིན༌ནོག༌།”

ཨིན༌ནའང༌ ཁྱོ༌ཞ༌གུན༌ དཀོན༌མཆོག༌གི༌ གྱལ༌སྲིད༌དི༌ སྟིང༌རང༌ནེ༌ བང༌ཏོང༌, ཏེ༌ནེ༌ ཁོང༌ངི༌ ཏེ༌ཀ༌ ནན༌ཏེ༌ ཁྱོ༌ཞའེ༌ ཞན༌ སྒོས༌དོམ༌གུན༌ནའང༌ སལ༌ལ༌ ཛད༌ཨིན༌།”

ཏེ༌ནེ༌ ཁོང༌ངི༌ མི༌ཚོགས༌ལ༌ མོལས༌, “ཤང༌ ཅོས༌, ནབ༌སེམས༌སི༌ རིགས༌ ཚང༌མ༌ནེ༌ ཐག༌རིང༌ང༌ ཁྱོ༌ཞའེ༌ རང༌ སྐྱོབས༌ཏེ༌ བོར༌ ཅིའ༌ཟེར༌ན༌ མི༌ཞིག༌གི༌ མི༌ཚེ༌ རིན༌བོ༌ ཁོའ༌ ཡོད༌ཁན༌ནི༌ ནོར༌རི༌ཀ༌ རག༌ལས༌ས༌ མ༌ནོག༌།”

ཁྱོ༌ཞའེ༌ ནོར༌ ཡོད༌ས༌ ཁྱོ༌ཞའེ༌ སྙིང༌ངའང༌ ཆགས༌ཨིན༌།”

ཁྱོ༌ཞའ༌ སུ༌ཞིག༌གི༌ ཚེར༌ཁ༌ ཅོས༌ཏེ༌ ཁྱོ༌ཞའེ༌ མི༌ཚེ༌ ནང༌ང༌ ཆུ༌ཚོད༌ ཅིག༌ སྐྱེད༌ ཐུབ༌ཨིན༌ན༌?

ཏེ༌ནེ༌ ཡེ༌ཤུའི༌ རང༌ངི༌ ལོབ༌ཕྲུགས༌གུན༌ལ༌ མོལས༌, “ཏེ༌བོའེ༌ཕིའ༌ ངའེ༌ ཁྱོ༌ཞའ༌ ཟེར༌རད༌, ཅི༌ ཟེན༌, ཡ༌ ཟུགས༌ལ༌ ཅི༌ གོན༌ཨིན༌ སམས༌ཏེ༌ རང༌ངི༌ མི༌ཚེའེ༌ ཕིའ༌ ཚེར༌ མ༌ཚེར༌།

ཁྱོ༌ཞའེ༌ གོའེ༌ཀ༌ ཡོད༌ཁན༌ནི༌ སྲའེ༌ ཀྲངས༌ཀའང༌ ཁོང༌ངི༌ ཁྱེན༌ན༌ ཛད༌ད༌ནོག༌། ཏེན༌ན༌བོའེ༌ཕིའ༌ ཇིགས༌ མ༌ཇིགས༌, དཀོན༌མཆོག༌གི༌ སྐུན༌དུན༌ལ༌ ཅི༌པ༌ མང༌པོའེ༌ སང༌ ཁྱོ༌ཞའ༌ ཅིག༌ མང༌ང༌ རིན༌ཆེའ༌ ཨིན༌ནོག༌།”

“ངའེ༌ ལུག༌ ཁྱུ༌ ཆུ༌ངུན༌, ཇིགས༌ མ༌ཇིགས༌། ཁྱོ༌ཞའེ༌ ནམ༌ཁའེ༌ ཡབ༌ ཁྱོ༌ཞ༌གུན༌ལ༌ ཁོང༌རང༌ངི༌ གྱལ༌སྲིད༌ སལ༌ལ༌ ཐུགས༌ཐད༌ད༌ནོག༌།

ཕོ༌རོག༌གུན༌ལ༌ ལྟོས༌, ཏེ༌གུན༌ནི༌ ཞིང༌ ཏབ༌བ༌ ཡ༌ ཞིང༌ རྔའ༌ མི༌དུག༌, ཏེ༌གུན༌ལ༌ ཛོད༌ ཡ༌ བང༌ང༌ མི༌དུག༌, ཨིན༌ནའང༌ དཀོན༌མཆོག༌གི༌ ཏེ༌གུན༌ལ༌ ཟན༌ སལ༌ལ༌ ཛད༌དུག༌། ཅ༌གུན༌ནི༌ སང༌ ཁྱོ༌ཞའ༌ མང༌ང༌ རིན༌ མི༌ཆེའ༌།

“ཏེ༌བོའེ༌ཕིའ༌ ཏུས༌གྱུན༌ ཁྱོ༌ཞའེ༌ ཅི༌ ཟེན༌ ཡ༌ ཐུང༌ཨིན༌ མ༌སམ༌, ཏེ༌གུན༌ནི༌ ཕིའ༌ ཚེར༌ཁ༌ མ༌ཅོ༌།

ཀལ༌ཏེས༌ དཀོན༌མཆོག༌གི༌ དི༌རིང༌ ཡོད༌ཁན༌ ཐོ༌རེ༌ མེའ༌ སྲག༌ག༌ ཕང༌ཅེས༌ཅན༌ནི༌ སྤང༌ཐང༌ངི༌ མེན༌ཏོག༌གུན༌ལ༌ ཏེ༌ཙོགས༌སི༌ ཀོས༌ལག༌ སྐོན༌ ཐུབ༌བད༌ན༌, ཏད༌ཆུང༌ཅན༌གུན༌ དཀོན༌མཆོག༌གི༌ ཁྱོ༌ཞ༌གུན༌ལ༌ ཏེ༌གུན༌ནི༌ སང༌ ཀོས༌ལག༌ ཀྲག༌པོ༌ སྐོན༌ན༌ མི༌ཛད༌ད༌?”

ཀབས༌ཏེ༌ བོར༌ཁན༌ ཚང༌མ༌ ཕིང༌ང༌ ཛད༌ཨིན༌ ཡང༌ སྦས༌ཏེ༌ བོར༌ཁན༌ ཚང༌མ༌ མི༌གུན༌ལ༌ སྔོན༌ ཅུག༌ག༌ ཛད༌ཨིན༌།