Popular Bible Verses from Jon 10

Share

Kuka aminu apu sipsiu kukae pake zipa kupa pasiwan mainingge apik. Sanga waakngaekan natake apik. Ngana na. Nata kayuk yutning kaknga paningge apbum. Kayuk yutning kaknga kwaapzang pake yutningge apbum.

“Sipsip toiu tapatuta sipsipna katak siknga toike yuke kawawan kaap zongu gwenduta apan kawik. Kake musiaatang kupsat ngang dua natake kaau toknga wagwen tanguke tawamban datakuwik. Siwan ita musiaatang unzing natake tasiwik kaknga binga tasinggat.

Natane sipsipma ninae wamu atnataaing. Siwan nata ie atnataat. Siwan aminu waakwau na nawaba

nata kayuk yutnanga aknga yama pake kayuk asinggan asinggan yutning kakngana wena dua siwik. Wena siknga. Aminu tapatuta aminu waakwau kaiwan kunanga dua.

Nata nina gwabok gwak binga yuat. Sike aminu tapatuta Anututane daman katang kopnangge natake nae apanu nata gatangama koke kayuk yutnanga aknga pake noman siknga yuwik. Yusika kungapuke sanga tapatue dua dapik.

“Siwan na sipsipna katak siknga toikgak kapata binga tasinggat. Tasiwawa Anututa nae atnataak. Siwan nata ie atnataat. Ina unzakan aminu nata toikgat takwakge nata atnatapa aminu waakwakga nae kuut atnataaing. Siwan nata kungayamitde dua bitake

Nanata nandutewan nata aminu waakwau papa natane aminabam dakngake yuaing. Siwan Nanda kekeknga siknga yuke sanga kuupbam ayapbike aminu waakwau toiban aminu tapatuta waakwau kaiwan kunanga dua. Naat Nankau niu sanga tapatukan binga dakngake yuamak,” ngang yanikut.

“Siwan na sipsipna katak siknga toikgak kapata binga tasinggat. Tasiwawa Anututa nae atnataak. Siwan nata ie atnataat. Ina unzakan aminu nata toikgat takwakge nata atnatapa aminu waakwakga nae kuut atnataaing. Siwan nata kungayamitde dua bitake

Na nina natake kapewa atnuwa kupit. Aminu tapatuta ina banipda siwan dua nuwan kupit. Wena. Natane Nanata naniwan natake nata kapewa atnuwa kungwake gatuna enawit,” ngang yanikut.

Wamnatane yapiie apbotake yuwawa Jesuta gatuna anzing yanikut, “Nata ginu siakande siknga daninggat. Nata nina siknga sipsipde gwabok gwak binga yuat.

Siwan ngana sipsip toikgane puya aminda kayuke kawawan kaau toknga gwenduta apan kawik. Kake sipsiu natane dua. Akumningge undanga ngang natake peke atdatakuwik. Datakuwana kaau toknga wagwenda apu sipsip zipik. Zipmawawan kunduta inana datakuwawa kundu zipan kumning.

Siwan Jesuta tuwang wamu takngatu anzing yanikut, “Siakande siknga nata daninggat. Mamin amindaka sipsipde gwabok gwaune kopnangge bitake damanu kautdu saak yatupiu waapata kuka amin.