Popular Bible Verses from Sam 34

Share

Anututa aminu musiaatang meya nataaing aminde inengan yuak. Ngan, ita banip sikaing aminu meya papanu, ita akgatayamunggak.

Nata tumuk wamu Buyambamtapa iniwa ita akgatangamuke tumuk wama atnatapbut. Ita gwaut taknga nata nataau kuupbam asandekngamukut. Unzingge nata musip kwikwik natake yuat.

Meya kwaapzangga amin nomande apba apning, ngana Buyambam tapata gatayaman meya waakwakga pasiwan dua pimaning.

Buyambam tapata ninde take siknga tasinggak. Ginda tasiwa siwan kake Buyambam tapae take siknga natapning. Siwan aminu tapatuta Buyambam tapae gepbiaatang koke kusopuke take yuwik.

Aminu kuupbam meyana kaya siwan ngana waaminda Buyambam tapae banip sike apbakngakaing. Unzingge waamindane banip sikaing kakngana wai dua siwik.

Siwan aminu noman yuaingga Buyambam tapae tumuk wam iniwanu ita atnataak. Natake ita gatayaman waaminu meyata dua yapbikgak.

Angela Buyambam tapatane tapata aminu Buyambam tapae gepbiatang yuaing aminde inengan yuak. Yuke ita gatayamuwawan meya takngatuta dua pasiwan maining.

Gata waiaknga masa imuke noman takngakan tawamso. Sike aminu kunduat musipza gwendukan teke noman takngae akekekake tawamso.

Sike gata unzing yutnangge natakengu, ayok. Gata wamu waiaknga dua yawim. Siwan gatuka kem wamu dua yawim.

Buyambam tapata aminu noman yuaingu ita akayuke tumuk wamnae maak panggak.

Ninda Anututane umana buyambam takngae yakapna. Ninda itane umana yatangenatna.