Popular Bible Verses from Luk 17

Share

Yatom Jisas la nasi melnum pa la tolpa, “Kitn wreitn kai om! Wa kitn ukpma titnongket tolpa yatom, numpet akitn apm paln wor ase.”

Pake wa tukol kil ntekgeitn paitn nti wailet ak wang wrij ur pa yatom wa kil kul la rein nti wailet pa, kitn nuhurn paitnpaitn a kil ntekg pa.”

Yatom wrij ur alntuen a paln wor pa kil ari tolpa yatom, kil pleln tolti tpra kat nang a Maur Wailen pa yikaktnen tolpa pleln hor ya pa kul ekg Jisas pa. Yatom kil eln ngko wonteipur ha nepm a Jisas ti ukwel wor. Melnum pa kil melnum a ha knokg Samaria.

Ti kipm irpm ri! Tol wasok ur aki wailen ur alkitnen pa ntekgeitn paitn pa, kitn lokel titnongket ekg ake al kil ntekg paitn pa. Pake tol kil la rein paitn a kil pa, kitn nuhurn paitnpaitn a kil ntekg pa om.

Wa Jisas ropo la tolpa, “Melnum wampwam wet paln wri wor ti, ti wampomit wampomwitnweitn pa haike?

Ari Wailen kil akalmpenten la tolpa, “Wor pa, tol a kipm ukpma waitketn tol mastet ek pa, ti tol wa kipm la nasi yo wail riai la tolpa, ‘Ti kitn nalu kitn alkitn ti katen klung kinar nip itn kinar hunokg kuin ai’, kil apm atning yangkipm tol a kipm la pake.”

Yatom mla ur a kil ikghlen numpwam alkil pa ye num alkil kark pa, maur wor alkilen pa hi wa kai paitn. Pake mla ur a kil piln num alkil pa, maur wor a kil pa hi ake wa kai paitn.

Yatom Jisas la nasi tu disaipel alkilen pa la tolpa, “Kweiur kweiur a ak rkolo ekg mento ngko kai paitnpaitn pa apm tolpa atn pake, pake rein paitn ekg melnum a kil rkol melnum ur yatom kil ngko kai paitnpaitn pa, pa kil hi wa wi paitn. Melnum a kil ntekg melnum ur a ake atn titnongket pa ngko kai paitnpaitn pa, pa kil ntekg paitn wrijen ai. Tol wa tu ak hmpei yipo weij tengket wail ur arpm krongkel kil pa om pilntel eln kai hunokg pa, pa waitketn. Pake kil hi wa wi paitn wail wrijen hangken ripa.

Kuina ur a pike tu ak ak wang a Noa pa, ti hi apm wa tu ak tolpa ak wang a Warim Kpman a Melnum kil wa nar yat pake. Tu wrongwailet pike wi kin pa alupm ekpma yelan ye kai uk tita, ntekg ekpma al ark tolpa kai ngko wang ketn a Noa kil kai kahor wan hunokgen pa, hu wail wei nar ak alen.