Popular Bible Verses from Lûu 8

Share

Nyii-ŋai ǹɔii lɛ́lɛɛi mai, dia ƃa ǹûai da m̀ɛni dí ŋ̀óoi lâai kɛ́ a tɔ̃yâ-lii lɛ́lɛɛ dí ƃa a lii-kpele-perei.

Nyii-ŋai tòo ŋalêŋ-kpɔlɔi sui, dia ƃa ǹûai da m̀ɛni, kɛ́lɛ, tãi da lì, ǹɔii su-mɛni lii-sɛlɛŋ, dɔɔ-laa lii-nɛ̃ɛi, da vulu-laa lii-nɛ̃ɛi da díkpàaŋ a gɛɛ díƃa fé pɔlɔ.

Nyii-ŋai tôo gɔnii ŋái, dia ƃa ǹûai da ŋ̀óoi mɛ̀ni, dí zɔlɔ ƃo a lii-nɛ̃ɛ. Kɛ́lɛ, dísame fé dímu, da lâa la a tãi kpua, kɛ́lɛ, su-kɔɔŋ a pâ dípɔ dí too pôlu.

Nya ƃe e mò dîa, ǹyɛɛi, “Kálaa-lai káa mi?” Dí kɛ̀ yaôi. Dípɛlɛ e pù, díkɛ mo díkîe-ni ma, dîyɛɛi, “Gɛ̀ ní, gbɛ̂ɛ ƃe ŋi? Kpɛ́ni fêi, a lôno vãai pɔ da ǹyái dí ŋ̀óo mɛ̀nii.”

Nyii-ŋai berei mai, dia ƃa ǹûai da mɛ̀nii. À kɛ̀ ti, Dɛ̂ƃele a pâ e ŋ̀óoi kula dílii su a gɛɛ dífe pɔ̂ri lâai la, dí ƃalo.

“Sɛŋ da fé naa ǹoɔ́ɔ nyii ve pâi kâai, kpaa máŋ loo-mɛni nyii ve pâi kɔ́lɔnîi, kpaa é kúla pono ŋá.

Tãi nɛnîi e gàa la a gɛɛ maa-mɛni fa ŋɔ́nɔ pɔ̂ri loôi, e kɛ̀ kpɛ̃linii, e pa e too Zîsɛ kɔ́ɔ mu e mɛnii ƃo ǹûai kélee ŋɛi e pîlaŋ mɛnii ma e lɛ̀ɣɛ la mai, da berei e ƃàlo la a maa félaai. Nya ƃe e mò ma, ǹyɛɛi, “Ńoŋ-nɛnii, ílaa-lai a íƃalo; lí lii-sêe su.”

Nya ƃe dí lì bɔ, dí ŋ̀ɛi lá ƃo, dîyɛɛ ma, “Kaamɔ̂ɔ! Kaamɔ̂ɔ! Kúŋuŋ lá káa pilîi!” Nya ƃe e ŋ̀ɛi lá ƃò e lono vãai pɔ bɛlɛɛ ǹya-ɣiliŋ ma; dí kpèra tumoɔ ma, gwaai kélee ma e kɛ́ tɔ̀ŋ.