Popular Bible Verses from Mâki 13

Share

Núu kélee da pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu ŋ̀elei gbɛɛ ŋá é serii, a pâi ƃâloi.

Ka káŋɛi lá ƃó, ká kámɛi káa, kpɛ́ni fêi, káfe ŋ̀elei kpîŋ kɔ́lɔŋ kpaa máŋ tãi.

Dà kásoŋ dí lì a káa mɛni sâa ƃó kwaa-ŋai ma, kálii fé sɛ̀lɛŋ m̀ɛnii ma ka pâi m̀ôi. Kɛ́lɛ, m̀ɛnii nyii pâi tɛ̂i kála a tãi ti nɔ́ ƃé ká m̀ó, kpɛ́ni fêi, káa fé pâi kɛ̂i maa lonoi kpîŋ kɛ̂i, fɛ̂ɛ M̀ɔlêŋ Maa Waai.

Ŋ̀elei da ǹɔii da pâi tɛɛ̂i, kɛ́lɛ, ŋáwooi fé pâi wɔ́lɔ tɛɛ̂i.

“Maa ɣele kuui tí kpaa máŋ aƃai núu da kélee fé gɔ́lɔŋ. Ŋ̀âla-taa kela-ŋai kpîŋ dífe gɔ́lɔŋ, kpaa máŋ Ǹoŋ-nuui, fɛ̂ɛ nɔ́ Nàŋ-nuui.

Ka kɔ́ mɛni mɛ̀ni da kɔ́-ŋa tuŋ, káfe kɛ̀ wúlee. Fɛ̂ɛ nyíŋi a kɛ̀, kɛ́lɛ, ŋ̀éniɛi gbɛɛ ŋái fé nîi seri ní.

Maa mɛni ma, ka kámɛi kaa, kpɛ́ni fêi, káfe tãi kɔ́lɔŋ bɛ́rɛ namui a pâi lai, à kɛ̀ a pâi kɛ̂i ɣele-wulii, kpaa kpíni sáma, kpaa tɛ́ɛ wóo píli tãi, kpaa máŋ Ŋ̀ele-wâlai, vé lâa tɛ́ la a káa é kákaa nyiî. M̀ɛnii nyii ŋa m̀ó kâai, ŋa mò núu kélee ma: Ka káŋɛi lá ƃó!”

Sîi-ŋa da pâi tɔɔ̂i díkîe-ní dîa, kâloŋ-laa kɛ́ kɔ̀ kâloŋ-laa pɔ́, ǹɔii a pâi kpɛ̃lini kwaa támaa ma. Puru su-kɛ́tɛ a pâi toôi. Kɛ́lɛ, nyíŋi-ŋai káa nɔ́ a mɛni solii kɔ́ɔ pîlanii.

Kɛ́lɛ, fɛ̂ɛ Duŋ Lɛ́lɛɛi é ƃó sîi kélee ma.

Núu támaa da pâi pâi ńaai su dîyɛ kâai, ‘Ńyãa ƃa ǹyaa!’ Da pâi díyee lâai núu támaa ma.

“Mɛni ma, ka kákpîŋ mɛi káa, kpɛ́ni fêi, da pâi kásonîi dí lí a káa mɛni sâa ƃó kwaa-ŋa ma. Da pâi ká lôkwai a ŋ̀ánaa Ŋ̀âla fɛli-kêre-ŋai mu. Da pâi gɛ̂i kátɔɔ lɔii lonii láa- tuɛ ƃela da kâloŋ-ŋa ŋɛ́i túɛ ḿaa mɛni ma a gɛ́ɛ ká Duŋ Lɛ́lɛɛi maa sere-faa kɛ́ díŋɛi.

kpɛ́ni fêi, lɛ́ɛ Kôrai-ƃela da Ɣâla maa wôya lono kɛ́-ƃela da pâi pîlanii dí ŋɛi kɛ́-maa-ŋa lɛ́, da mɛni maa pɔlɔ-pɔ́lɔ-ŋa a gɛ́ɛ dí díyee láa diai dîa Ɣâla a dísiɣe zu a gbɔɔi-ƃelai.

“M̀ɛni kpɔ̂lui tí pôlu ma, vóloi su a pâi kpínîi, ŋ̀áloŋ fa ŋɔ́nɔ fòlo. Bɛmɛlɛŋ-kao-ŋai da pâi toôi ǹɔii ma, ŋ̀elei su kpîŋ kɛ́ ƃò wúlee.