Popular Bible Verses from Génesis 25

Share

Aptáhak axta apchátegmowágko s'e: “Ánet apchókxa pók aptémakxa énxet'ák hágkok kañe' awáxok. Apqánet énxet apkelnápékpok amonye' appalleyam. Xama sa' etnehek apyennaqte apagko', mexók sa' ma'a pók nak, apchásenneykha sa' etnehek átnaha apketkok ma'a apsexyo nak.”

aptáhak axta apcháneya s'e: —Heyák han ko'óxa xa aphanma ekyexwásamo nak, meyk agko' ko'o etnahak. (Cháxa keñamak apkeltamhomakpo nak Edom ma'a Esaú.)

Megkate étche axta han ma'a Rebeca, keñe axta Isaac apkelmaxnéssessama Wesse' egegkok ma'a. Aplegayak axta han apkelmaxnagko Wesse' egegkok, keñe axta ektéma lóso' ma'a Rebeca.

Tén axta Esaú aptáha s'e: —Meyk agko' ko'o etnahak, mehepasmehek ko'o ektémakxa nak sekteme kélketche átnaha apketkok. —Hetnésses naqso' peya hegkések se'e kaxwo' nak —axta aptáhak ma'a Jacob. —Apkelyahákxók axta han ma'a Esaú, apmeyásekxeyk axta Jacob ma'a ektémakxa nak apteme kélketche átnaha apketkok.

Keñe axta apteyekmo han ma'a apyáxeg, apmásseságkek axta apáhak ma'a Esaú, axta keñamak kélteméssesa apwesey Jacob. Sesenta apyeyam apagkok axta weykmok Isaac, ektéma axta naqláwa m'a Rebeca.

Axta han apchásekhayókxa apagko' Isaac ma'a Esaú, hakte apmenyeyk axta chá'a etwok ma'a aqsok apchaqhe apnempaqwayam, keñe axta Rebeca ekpeheweykmo eyásekhayo m'a Jacob.