तब तिनले योसेफलाई आशीर्वाद दिएर भने,
जुन परमेश्वरको सामुन्ने मेरा पिता
अब्राहाम र इसहाक हिँड्थे,
जुन परमेश्वरले मेरो जीवनभरि
आजसम्म मलाई डोर्याउनुभएको छ,
ती स्वर्गदूत, जसले मलाई
सबै खराबीबाट जोगाउनुभएको छ,
उहाँले नै यी बालकहरूलाई आशीर्वाद देऊन्।
यिनैमा मेरो नाउँ अमर भइरहोस्,
र मेरा पिता अब्राहाम र इसहाकका नाउँ अमर होऊन्।
र पृथ्वीमा यिनीहरू अनगन्ती भई संख्यामा बढून्।