Popular Bible Verses from Lükɛ̀n 13

Share

“Nyɛ́n hán kekremɛ̀n ô, nyɛ́n ci angbàtà cɛ lɔ, ɔmuhi, mɛ dɔ́ nyɛ̀n annànwɔrɛ mɛ̀n le, anwrɔn bobrebe ke le ji angbàtà cɛ mɛ̀n cì, kɩ ye sɩ̀ cɔ́ hɩ kɔrɛ̀levri lɔ.

Ɛnlɔẅiɛ-hi tɔ̀n nyɔn nanvrɛn lɔ: ɛnnanwàn kru ɛvà eẅirì de, ɛnhɛ́n gbangbàn tɔ̀n kɛ hán nɛ̀n ne vé, kɩ nɛ́n sɩ́ cɔ́ ɛ̀wú-nyɔn-yri. Ɛnvra léyi Zhezü kán ɛnnyɔnwrɔn ndɔ lɔ nɔn, nɛ̀n bi yi, kɩ nɛ dɔ́ yi le: “V'ɛnlɔẅiɛ lɔ trɔ mɛ́n edomɛ̀n.”

Nɛ̀n bɩ́ ankɔrɛ̀ nɛ̀n di yi ɛwú, kɩ ɛnvra zri lɔ, ɛnnyɔnwrɔn lɔ wrɔn ɛwú, kɩ bukru kɛ mrɛ́n Ɔwɔ.

Kɩ zɛtɛn, anwrɔn janbɔ̀ léyi, zɛtɛ̀ lɔ dú ɛmɛẅi-trɔ-bɔ̀ nɔn, kɛ lɛ srɔ kpàkpà-bɔ̀ kɩ ndɔ hɔ̀n léyi dú kpàkpà-bɔ̀ nɔn, kɛ lɛ srɔ ɛmɛẅítrɔ-bɔ̀.”

Ɛnvra léyi ɔwɔn-nɛ́n-zi ke le tɔhú, hɩ kɛ lɛ sɛ́n esù safɛ̀ mɛ̀n nɔn, nyɛ́n le cüe ɛntrɛa, kɩ nyɛ́n le bukru nyɛ́n gɔ́n esù ɛkɔrɛ̀ ô nyɛ́n dɔ̀ le: ‘Ankà-yé-wrɔn, srú bɔ̀ esù.’ Nɛ lɛ mrɛ́n nyɛ̀n ɔmùan le: ‘Mɛ̀n sɩ̀ nyrì ɛyri léyi nyɛ́n dù nɔn!’

Hɔ̂, mɛ dɔ́ nyɛ̀n; tɛ́n ke dú kɛ nyɛ́n sɩ̀ crɔ̀n ny'eci-hán-ci, nyɛ́n mán nye le wù kɛ lɛ hán yɔ hɔ́.”

Ne le vru nɛ̀n dɔ́ nyɛ̀n le: ‘Mɛ̀n sì nyrì ɛyri léyi nyɛ́n dù nɔn. Nyɛ́n tú cɔhɔ́ mɛ̀n ɛtɛ̀sɛ̀n, nyɛ́n lɔ fɛn léyi nyɛ́n hán eci gbangbàn nɔn!’

Zhezü kɛ dɔ̀ le: “Ecitan de Anhobɩ́ Nɛ̀ncüì-dúyri lɔ kɛ cá nɛ́n? Ecitan de me le bɩ mɛ̀n wotro nɛ̀n nɛ́n? Nɛ́n dù nɛ̀n cá ɛtɛ̀-ẅì tɔ̀n léyi ɔwrɔn tɔ̀n bɩ́ wá ɛnhibɩ́ n'ɛkɛ̀tɛ̀ lɔ mɛ̀n: ɛtɛ̀-ẅì lɔ dì, srɔ ɛtɛ̀ vri, kɩ annrɛ́n hɔ̀n ku y'anwɔn n'anda hɔ̀n lɔ wú.”