Popular Bible Verses from Lükɛ̀n 7

Share

Hɩle krukú de mɛ dɔ́ mɛ́n le: ɛcüɛ̀n vri léyi nɛ̀n ẅɛn m'ɛwú nɔn, hán tán kɩ n'ɛgbàn bobrebe hɔ̀n lɔ fɛn bɩ́ ce nɛ̀n. Tɛ́n ɔwrɔn léyi ye bɩ́ ɛgban ẅiɛ ye ce nɔn, nɛ́n mán nɛ ẅɛn ɛcüɛ̀n ẅiɛ.” Zhezü kɛ dɔ́ ɛnnyɔnwrɔn lɔ le: “V'ɛgbàn hɔ̀n lɔ bɩ́ ce mɛ́n.”

Kɩ Zhezü kɛ dɔ́ ɛnnyɔnwrɔn lɔ le: “V'ankàẅì-bùtan lɔ bɩ́ mɛ́n die: ɛ̀ hɔ́n anwɔwɔ mɛ̀n.”

nɛ́n hɔ̀n nyɔn Zhezü ɛmɛẅi, ɛnan tɛsɛ̀n. Ɛnnyɔnwrɔn lɔ ke wú eyú kɩ kɛ gbɛ́ anvɛshi ku Zhezü annan wú; kɩ ne bɩ́ n'ɛnkruẅie lɔ ne wurɛn yi annan wú, nɛ sɔ́n yi annan ɔmuàn, kɩ ne ku yi ɛnshi bánbán lɔ annan.

hɩ le kruhú de mɛ́n dùku mɛ́n sɩ̀ jì mɛ́n mɛ̀n và nɔn. Tɛ́n ɛ̀ wá tán, kɩ m'eci-bɩ̀tan-wrɔn lɔ kɛ lɛ kɔrɛ̀. Mɛ́n dùku mán, mɛ̀n ẅɛn m'anwrɔn cüìcüì hɔ̀n ndù, kɩ mɛ̀n ẅɛn gɔliɛ-bɔ̀ dú m'ɛnyanmàn wú. Mɛ dɔ́ ɔtɔ̀n le: ‘Hɔ̀n!’ kɩ nɛ hɔ̀n. Mɛ dɔ́ ɛnyantɛn ‘Và!’ kɩ nɛ và, kɩ mɛ dɔ́ m'eci-bɩ̀tan-wrɔn: ‘Ɛ̀ hán eci ɛndɔ lɔ!’ kɩ nɛ hán.” Ɛnvra léyi Zhezü yá gɔliɛ-wrɔn cüìcüì ankà-dɔ̀ lɔ nɔn, zrɔ nɛ̀n, kɩ nɛ́n crɛ̀, nɛ dɔ́ fɛcüè léyi kɛ kɛ́n nɛ̀n ɛsɛ̀n nɔn le: “Mɛ dɔ́ nyɛ̀n le: mɛ vá cɔ́, ankàẅì-bùtan ndɔ lɔ ɛyri zriɛmɛ́n, Izraɛlɛ̀n ɛnhiwú dùku mán.”

Ɛnvra zri lɔ Zhezü kɔrɛ anwrɔn bobrebe léyi ɛnlowiɛ dú edomɛ̀n; nɛ wrɔ́ yɔ anhɛ́n gbangbàn edomɛ̀n sɔhɔ́, nɛ hán anvɛ̀-boyɛ-bɔ̀ bobrebe kɛ kán ɛyri. Zɛtɛn, nɛ dɔ́ Zhan kɔhɔ̀n-wá-bɔ̀ lɔ ankà: “Nyɛ́n hɔ̀n nyɛ́n dɔ́ Zhan, eci léyi nyɛ́n kàn mán ankà léyi nyɛ́n yá nɔn: anvɛ̀-boyɛ-bɔ̀ kɛ kán ɛyri, ɔkpɔcɔ̀-bɔ̀ kɛ nán esù, kokove-bɔ̀ cɔ́ ɔkɔrɛ̀, nukù-sɩ-bɔ̀ kɛ yá ankà, owú-bɔ̀ kɛ frɔ́, ɛmian-bɔ̀ cɔ́ Ɛmɛẅi ankà Ankrànkràn lɔ yá.